Luka 7:44 - ALLALA KUMƐ

⁴⁴ Wo kɔma, Yisa ya a yɛ lamunun musi wo la ka a fɔ Saimon ye ko, “I ma musi kɛ yen? N bara na ila bɔn la, i ma n kin-maku-yi di n ma kɔnɔ ale ara n kian maku a ya-yi la ka a mafiran a kun-sigi la.

Luka 7:44 Iomraidhean Croise

Ko-Dabirɛnu 18:4

N ni na yi la wo ye alako wo ni wo kiannu maku. Wo ni wo sulen kɔlɔma-ninɛ kɛ la.

Ko-Dabirɛnu 19:2

Lɔti ya a fɔ anu ye ko, “N tiginu, n bi wo madiyala. Wo yandi, wo ni yiya n barɛ bi. Wo si wo kian maku ka ki nyɔ. Wo wa wo lasɔ sɔgɔma, ni wo ye tala kan min, wo si ta nyɔ.” Anu ko, “Ade, ma si ki luyi tɛma barɛ rɔ.”

Ko-Dabirɛnu 43:24

Wɔli-kɛlɛ wo ya anu nadon Yusufula bɔn la. A ya kin-maku-yi di anu ma. A ya anuna sofɛlɛnu de-nyini fanan.

2 Samuwɛli 11:8

A ya a fɔ Yuraya ye ko a ni ta a niyi madɛn a warɛ bɔn la tele fila kɔrɔ. Yuraya ya a bɔ mansɛ dafɛ nyɔ rɔ. Mansɛ ya a fandɛ lata a warɛ bɔn la.

Luka 7:38

A sɔra Yisa kɔma a kian tɔgɔfɛ. A dira. A ya-yi yigira biribiri, ka Yisa kian kimɛ. Wo kɔma, a ya a kian mafiran a kun-sigi la. A ya a kian sunbu ka sɛnti kɛ anu ma.

Luka 7:43

Saimon ya a yabi ko, “N lanɛ a la ko minta yili kolo a bɔtɛ ko.” Yisa ko, “I wara n yabi a kilɛ fɛ.”

Yɔni 13:5

A ya yi kɛ panɛ rɔ. A wulita ala karan-dannu kian makula. Fanɛ min kirinɛ a bu tɛma wo la, a ya anu kian mafiran wo la.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!

Kɛlɛ-Kurugbɛnu 19:21

A ya anu bi ka ta anu na a warɛ bɔn la. A ya anuna sofɛlɛ wonu de-nyini ka yi di ala sundannu ma. Anu ya anu kiannu maku ka fen-dɔn kɛ.

1 Samuwɛli 25:41

Abigɛli ya a laburun a ma wɔli-kɛlɛ wonu kɔrɔ. A ya a fɔ anu ye ko, “Ala wɔli-kɛlɛ le nde la. N tabɛnnɛ de ka ala wɔli-kɛlɛnu kian maku.”