Luka 7:29 - ALLALA KUMƐ

²⁹ Mɔgɛ bɛɛ ya kɛ lamɔɛn hali duti-makelelɛnu. Wonu ya Yisala kumɛ lamɔɛn tumɛ min, anu ya a lɔn ko Allala kilɛ telenta bawo anu bara sɔn nun ko Yɔni ni anu batasi.

Luka 7:29 Iomraidhean Croise

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Matiyu 5:46

Ni i ya i diyana-mɔgɛ dɔrɔn keni, i si barayi nyamintan sɔrɔn Alla bolo? Hali duti-makelelɛnu fanan si wo ma!

Luka 20:6

Kɔnɔ ni ma ko, ‘A bɔra mɔgɛ le bolo,’ nyama kɛ si ma mabon kuri la bawo anu lara a la ko nɛbi le ale Yɔni la nun.”

Luka 3:12

Duti-makelelɛ donu nara batasi-koe la. Anu ya Yɔni manyinika ko, “Karan-mɔgɔ, male ni nfen ma?”

Luka 7:28

Yisa ya a fɔ tun ko, “N ni kɛ fɔ wo ye. Yɔni makawanɛ ka tenbi mɔgɛ bɛɛ la nun. Kɔnɔ min dɔgɔ Allala mansayɛ rɔ, wo makawara Yɔni ko.”

Luka 7:35

Hali wo, Allata hɛnkilimayɛ si lɔn tonyɛ la ka a tɛgɛ a gba-fɛ-bilalɛnu kɛ-nyanu fɛ.”

Kɛwɔlɛnu 18:25

A ya Mari Yisata koe fanan lɔn. A kumara sɛnbɛ-wɛ la Yisa wara-koenu tɔ a kin na kɔnɔ a ya Yɔnila batasili-koe dɔrɔn lɔn.

Kɛwɔlɛnu 19:3

Pɔli ya anu manyinika ko, “Nba, wo ya batasili-sufa nyamintan sɔrɔn worɔ?” Anu ya a yabi ko, “Yɔni ya mɔgɛnu karan batasili min na, ma ya wo le sɔrɔn.”

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 16:5

Melika min bi kun-tigiyɛ kɛla yinu kun na, n ya wo kuman-kan lamɔɛn. A ko, “E, ile min bi kaka, ile min bi nyɔ kebi fɔlɔ, i sɛnima. I wara kiti minnu tɛgɛ, anu telenta!

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.