Luka 7:27 - ALLALA KUMƐ

²⁷ ado a sɛbɛnɛ Allata kitabu rɔ Yɔni lela ko la nun ko ala kilayɛ le Yɔni kɛ la. A ko, ‘N bi nna kilayɛ latala i yarɔ ka kilɛ laka i ye.’ ”

Luka 7:27 Iomraidhean Croise

Aiseya 40:3

Mɔgɛ do gbele-gbelen kan ye bɔla, a ko, “Wo ni kilɛ rabɛn Mari ye wula-da-rakolɔn rɔ. Wo ni tagama-kilɛ bɛɛ matelen mata Alla ye.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Matiyu 11:10

ado a sɛbɛnɛ Allata kitabu rɔ Yɔni lela ko la nun ko ala kilayɛ le Yɔni kɛ la. Alla ko, ‘N bi nna kilayɛ latala i yarɔ ka kilɛ laka i ye.’

Maraka 1:2

A dabirara iko Nɛbi Aiseya ya Allala kumɛ latenbi nya min ko, “Nta kilayɛ le kɛ la, n bi min natala i yarɔ ka kilɛ laka i ye.

Luka 1:76

Sakaraya ko tun, “Nna dan, Alla Min Bi Fan Bɛɛ Kun Na, anu si i kele ko wola nɛbi. Ile fɔlɔn si ta Mari yarɔ ka kilɛ rabɛn a ye.

Luka 7:26

Wo ni a fɔ n ye, wo miriya ye nfen yen-koe ma nun? Nɛbi, wa? Ɔnde kɔnɔ n bi a fɔla wo ye, wo ara min yen, wo tenbira nɛbi la,

Luka 7:28

Yisa ya a fɔ tun ko, “N ni kɛ fɔ wo ye. Yɔni makawanɛ ka tenbi mɔgɛ bɛɛ la nun. Kɔnɔ min dɔgɔ Allala mansayɛ rɔ, wo makawara Yɔni ko.”

Yɔni 1:23

Yɔni ya anu yabi Nɛbi Aiseyala karan la. A ko, “Nde le gbele-gbelen-kan wo la min bi bɔla wula-da-rakolɔn rɔ. A ye a fɔla ko, ‘Wo ni kilɛ bɛɛ matelen wota Mari ye!’ ”