Luka 7:2 - ALLALA KUMƐ

² Romu kɛlɛ-den-kun-tigi do ye nyɔ, wola wɔli-kɛlɛ kirɛ, ado wɔli-kɛlɛ wo di a ye kati! A tora doni, ko a si faga.

Luka 7:2 Iomraidhean Croise

Ko-Dabirɛnu 24:27

A ko, “Alla tanto, n tigi Iburayimata Mari min bara ata lanyiri latɔnbagaya n tigi ye, wo ara n telen n tigita mɔgɛnu na.”

Ko-Dabirɛnu 35:8

Kɔnɔ wo wati rɔ, Rebɛka fɛ-biralɛ Dɛbora fagara. Anu ya a togon Bɛtɛli soe kɔlɔma do kɔrɔ. Anu ya kɔlɔma wo tɔgɔ sa “Di-Kɛ-Kɔlɔma.”

Yobu 31:5

N bara n keli ni n bara karagbɛlɛyɛ sigi mɔgɛ la, ni wo ma, ka mɔgɛ bole labira.

Hɛnkilimaya-Kumɛnu 29:21

Mɔgɔla yɔɔn-pose tenbi, ni i yɛgɛ-yɛgɛra a kɔrɔ, tɔ-a-la, i ti ke a nɔla tun.

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Luka 23:47

Kɛlɛ-dannuna kun-tigi ya wo yen nkɛkuna, wo ya Alla tanto, a ko, “Mɔgɔ-latelennɛ le kei kɛ la serr!”

Luka 7:1

Yisa banta kɛ bɛɛ fɔla mɔgɛnu ye tumɛ min, a tara Kapereniyam soe burɔ.

Luka 7:3

Kun-tigi wo ya Yisa wara-koe lamɔɛn tumɛ min, a ya Yahudiyanuna kun-tigi donu nata Yisa wara ka a madiya ko a ni na ala wɔli-kɛlɛ dandan.

Luka 8:42

bawo ala dunmusu kelen pe, min sɔrɔn ara san tan-ni-fila bɔ, wo ye faga-koe rɔ. Yisa bilara Yairasi fɛ tumɛ min, nyama ya a lafoo.

Kɛwɔlɛnu 10:1

Kei do ye Sɛsariya soe burɔ nun, wo tɔgɛ Kɔniliyasi. Romu kɛlɛ-den-kurɔn min tɔgɛ ko, “Italita Kurɔn,” anuna kun-tigi do le.

Kɛwɔlɛnu 10:7

Wo kɔma, melika wo tara. Kɔniliyasi ya ala bonna-wɔli-kɛlɛ mɔgɔ fila kele. Ala kɛlɛ-dan min bi a kandanna, a ya wo fanan kele, ado dina-mɔgɛ le wo fanan na.

Kɛwɔlɛnu 22:26

Kun-tigi wo ya wo lamɔɛn tumɛ min, a tara ala kun-tigi-ba wara ka a manyinika ko, “I ye nfen mala? Romu kɛ le kei wo la!”

Kɛwɔlɛnu 23:17

Nba, Pɔli ya kɛlɛ-den-kunyɛ do kele ka a fɔ a ye ko, “I ni ta keminɛ kɛ la kɛlɛ-den-kun-tigi-ba wara. Koe do fɔ-sɔgɛ ye a la a ye.”

Kɛwɔlɛnu 27:1

Ma ta-tumɛ kera tumɛ min ka ta Itali nyamanɛ rɔ yi kuma, anu ya Pɔli anubɛ yelela-mɔgɛ doinu don Yuliya bolo, Romu nyamanɛ kun-tigi-bata kɛlɛ-den-kunyɛ do, kɔni. Kɛlɛ-den-kurɔn min bi Romu nyamanɛ kun-tigi-ba bolo, a ye wo kun-tigiyɛ la.

Kɛwɔlɛnu 27:3

Wo banda kɛ, ma kera Saidon soe burɔ. Kɛlɛ-Den-Kun-Tigi Yuliya ya ko-nyimɛ kɛ Pɔli ye. A sɔnta ko a ni ta a diyana-mɔgɛnu kɔndɔn tinɛ alako anu ni a makoenu nyinya.

Kɛwɔlɛnu 27:43

Kɔnɔ kɛlɛ-den-kun-tigi-ba ye a fɛ ka Pɔli lakisi. Woletɔ a ya anu nakala ko anu ka wo ma. Min bɛɛ si ke ba-matɛgɛ-kɛla, a ya a fɔ wo bɛɛ ye ko wonu fɔlɔn ni ba-matɛgɛ-kɛ ka ta gbele ma.

Kɔlɔsi 3:22

Wole yɔɔnnu, wo ni wo tiginuna kumɛ bira koe bɛɛ rɔ. Wo ni wola wɔlɛ kɛ, hali anu ya sa wo la. Wo ni anu hɛnɛ wo yisi bɛɛ la alako Mari ni gbiliyɛ sɔrɔn wo bolo.