Luka 7:14 - ALLALA KUMƐ

¹⁴ A tara ka a bole tugu sangbagɛ la. Furu-dununɛ wonu ya anu sɔ. Yisa ko, “Keminɛ! N bi ile le ma, i lasɔ!”

Luka 7:14 Iomraidhean Croise

1 Mansɛnu 17:21

Nɛbi Ilaya ya a sa dan wo kuma iko sawa. A ya Alla matara. A ya a fɔ ko, “E, nta Mari Alla, dennɛ kɛ niyi lasɛgi a rɔ tun.”

1 Mansɛnu 17:22

Mari ya Nɛbi Ilayala matarali-kan yabi. A ya dennɛ wo niyi lasɛgi a rɔ tun.

Yobu 14:12

Hadama-dan fanan wara-koe ye kala-a-la wo nya na le. Fananta san-kole ye nyɔ, anu ti kunden. Anu ti anu mamaga doni-bɛrɛni anuna kinɔgɛ wo rɔ.

Yobu 14:14

Ni hadama-dan fagara, a niyi si sɛgi a rɔ tun, ba? Kɔnɔ n si ila wati-hakikɛ makɔnɔ ha nta tɔrɔyɛ kɛ ni bɔ n kuma.

Yaburi 33:9

A kumara le dɔrɔn, duninya danta. A kuman-kan ya a ma, duninyama-fan bɛɛ bɔra gbɛ rɔ.

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Maraka 5:41

A ya a bira a bole ma ka a fɔ a ye ko, “Dunmusu-nɛ, n bi a fɔla i ye, i lasɔ!”

Luka 7:13

Mari ya musi wo yen tumɛ min, a kinikinita a ma bɛrɛkɛ! A ya a fɔ musi wo ye ko, “I kana di.”

Luka 7:15

Furi wo ya a lasɔ ka wuli kumala. Yisa ya a don a na bolo tun.

Luka 7:17

A mankan nyɛnsɛnta Yudiya tonke bɛɛ rɔ anubɛ nyɔla foolɛ bɛɛ.

Yɔni 11:25

Yisa ya a fɔ a ye ko, “Nde ye furinu nawulila ka niyi di anu ma. Min ba dɛnkɛninya n ma, hali a fagara, wo si sɛgi a niyi la,

Yɔni 5:21

N bi nyinina niyi dila furi minnu ma, n si niyi di wonu ma iko n Fa Alla ye furinu nawulila nya min tun ka niyi di anu ma.

Yɔni 5:25

“N bi tonyɛ fɔla wo ye, wati ye nala, ado nfan, a ara ke, furinu si nde, Allala dan kan lamɔɛn. Minnu ba n kan lamɔɛn, wonu niyi si sɛgi anu tɔ tun.

Romu 4:17

Iko a sɛbɛnɛ Allala kitabu rɔ nya min, Alla ya a fɔ Iburayima ye ko, “N bara i ma sibolo-siyaman benba la,” ado lanyiri wo kanbalita bawo Iburayima dɛnkɛninyara Alla ma. A lanɛ a la ko Alla si furinu nawuli, ado Allata kumɛ si a ma, fan minnu sa nyɔ nun, wonu ni taran nyɔ.

Ɛfɛsa 5:12

Wonu bi min mala pinpi rɔ, miliya-koe le wonu na. Hali ka wonu takaran mɔgɛnu tɛma, miliya-koe le wonu na.