Luka 7:13 - ALLALA KUMƐ

¹³ Mari ya musi wo yen tumɛ min, a kinikinita a ma bɛrɛkɛ! A ya a fɔ musi wo ye ko, “I kana di.”

Luka 7:13 Iomraidhean Croise

Yaburi 103:13

Iko fa nyimayanɛ ala dan ye nya min, Mari fanan nyimayanɛ mɔgɛnu ye minnu bi a gbiliyala.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Maraka 8:2

“N bara kinikini mɔgɛ kɛnu ma bawo anu bara tele sawa kɛ n fɛ. Nba kaka, dɔn-fen sa anu bolo tun.

Luka 10:1

Wo kɔma, Mari ya kilaya bi-wɔrɔnfila ani fila (72) fanan yabɔ ka wonu sɔ fila-filanyɛ ma a yarɔ. Ale nyɛrɛ ye nala tala kan min, anu si ke soe bɛɛ anubɛ anu kan tinɛ bɛɛ rɔ.

Luka 11:1

Lunyɛ do, Yisa ye madiyali kɛla kan tinɛ do rɔ. A banta tumɛ min, ala karan-dan do ya a fɔ a ye ko, “Mari, ma si Alla madiya nya min, ma karan wo la iko Yɔni ya ala karan-dannu karan nya min.”

Luka 11:39

Nba, Mari ya a fɔ a ye ko, “Wole Farisinu bi wola yi-lafɛnu anubɛ piletinu kɔmɛ makula kɔnɔ wo burɛ fanɛ karagbɛlɛyɛ anubɛ wunduyogoyɛ la.

Luka 12:42

Mari ya a yabi ko, “Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi si a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Luka 13:15

Mari ya a yabi ko, “Wole kolandinu! Wo le fanan bi wɔlila Sulen-Tele ma. Wo ye wola kolo-fannu fulenna ka ta yi di anu ma Sulen-Tele ma.

Luka 17:5

Yisala kilayɛnu ya a fɔ Mari ye ko, “Mala dɛnkɛninyɛ kuma sa.”

Luka 17:6

Mari ya anu yabi ko, “Ni wola dɛnkɛninyɛ koloyara ka ke foni-kole rɔ, wo si a fɔ toro-kuri kɛ ye ko, ‘I nyɛrɛ wurun dugi rɔ ka ta i sɔ tungban tɛma!’ A si ila kumɛ bira.

Luka 18:6

Mari ya a fɔ tun ko, “Ale kiti-tɛgɛla-kensunte ya min fɔ, wo hɛnkili ni to wo ko.

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Luka 22:61

Mari ya a yɛ lamunun Pita la ka a mafɛlɛn sin! Pita ya a miri Marila kumɛ ma, a ya min fɔ ko, “Yanni dondɔn ni keke bi, i si a fɔ iko sawa ko i ma n lɔn.”

Luka 24:3

Anu donta nyɔ burɔ tumɛ min, anu ma Mari Yisa furi yen.

Luka 24:34

Karan-dannu ya a fɔ anu ye, ko, “Mari ara wuli serr! Saimon ara a yen!”

Luka 7:12

Anu kera so-tarɛ-don-dɛ la tumɛ min, anu ya a taran, mɔgɛnu bi tala furi do la a togon tinɛ, ado kɛɛ-musila den-kei kelen pe, wo le fagara. Nyɔ-mɔgɔ siyaman bilanɛ musi wo fɛ.

Luka 7:14

A tara ka a bole tugu sangbagɛ la. Furu-dununɛ wonu ya anu sɔ. Yisa ko, “Keminɛ! N bi ile le ma, i lasɔ!”

Luka 7:19

ko anu ni ta Mari manyinika ni a ya minna na-koe fɔ, ni ale le wo la, ka, ma ni dogbɛrɛ makɔni?

Luka 8:52

Mɔgɛ bɛɛ ye dila ka anu dɛ sa-a-rɔ dennɛ wola ko la. Yisa ko, “Wo kana di. Dennɛ wo ma faga. A ye kinɔgɛ le tɔ dɔrɔn!”

Yɔni 11:3

A tirisan-musinu ya kilayɛ lata Yisa ma Kalili sigisɔn rɔ ko, “Mari, i diyana-mɔgɛ kirɛ le.”

Yɔni 20:13

Anu ya a manyinika ko, “N na, i ye dila nfenna?” A ya anu yabi ko, “Anu bara n Mari labɔ yan. Anu bara a sa kan min, n ma nyɔ lɔn!”

Yɔni 20:15

Yisa ya a manyinika ko, “N na, i ye dila nfenna? I ye yon nyini tinɛ?” A ya Yisa lɔn ki-fen fɛ-biralɛ la nun, woletɔ a ya a fɔ a ye ko, “N fa, ni ile le ya a labɔ yan, i tara a la kan min, wo fɔ n ye. N ni ta a labɔ nyɔ.”

Yɔni 4:1

Nba, Farisinu ya a lamɔɛn ko Yisa ye karan-dannu sɔrɔnna Yɔni ko ka anu batasi.

Yɔni 6:23

Kulɔn donu bi bɔla Taibiriya soe burɔ, Mari ya baraka bira Alla ye kan min nun ka biredi di mɔgɛnu ma, kulɔn wonu sɔra kan tinɛ wo rɔ.

1 Kɔrɛnti 7:30

Minnu bi dila, wonu ni to iko di-kɛbɛlɛnu. Minnu sewanɛ, wonu ni to iko sewabɛlɛnu. Minnu bara fannu san, wonu ni ma iko wo ti to anu bolo.

1 Tɛsalonaika 4:13

Ma na-kelen-nyɔgɛnu, minnu bara ta lakira nun, ma ye a fɛ, wo ni a lɔn anu bara-koe ye nya min. Wo le si a ma, wo ma ti kinikini iko minnu yigi sa habadan-nimayɛla ko la.

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

Kɛlɛ-Kurugbɛnu 10:16

Tiriyante wo rɔ, Isirɛla mɔgɛnu bara don bɛsɛ minnu kɔ-koe rɔ nun, anu bara wonu tinya. Anu donta Mari kelen pe batoe rɔ tun. Mari ara a fonde layigi anuna tɔrɔyɛla ko la.