Luka 7:12 - ALLALA KUMƐ

¹² Anu kera so-tarɛ-don-dɛ la tumɛ min, anu ya a taran, mɔgɛnu bi tala furi do la a togon tinɛ, ado kɛɛ-musila den-kei kelen pe, wo le fagara. Nyɔ-mɔgɔ siyaman bilanɛ musi wo fɛ.

Luka 7:12 Iomraidhean Croise

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

Ko-Dabirɛnu 22:2

Alla ya a fɔ a ye ko, “Ila den kelen pe Isiyaka min diyanɛ i ye, wo bi kaka. I ni ta Muraya nyamanɛ rɔ. I ni a ma saraka-mintantɛ la kɔnkɛ kuma n bi nala min yirala i la.”

2 Samuwɛli 14:7

N na-kelen-nyɔgɛ bɛɛsi ara n magboya. Anu ko nna dan min ya a na-kelen-nyɔgɛ faga wo la, n ni wo don anu bolo alako anu ni ale fanan faga a na-kelen-nyɔgɛla sayɛla ko la. Ni anu ya wo ma, den mumɛ sa n bolo worɔ tun, ado ni wo mara, n yigi ara tɛgɛ. Nna kei sugi la ara to fanan.”

1 Mansɛnu 17:12

Musi wo fanan ya a fɔ a ye ko, “A ye mabɛ ita Mari Alla-nimɛ tɛma, biredi-wo-biredi sa n bolo. Min bi n bolo nyɔ kaka, fɔ dɛgɛ-munke bolo-nya kelen anubɛ tulu pɛtɛpɛtɛ-ni! Wo ye n bolo bɔnku-daga-nɛnu tɔ. N nara sɔgɔ kɛ nyini tinɛ le alako n ni ta dɛgɛ-munku-nɛ wo ladan mabɛ nna dan ye. Mala dɔn-fen-laban le wo la. Ma wa ban a dɔnna tumɛ min, ma si sigi ka sayɛ makɔnɔ.”

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

1 Mansɛnu 17:23

Nɛbi Ilaya ya dan wo bi ka ta a la a na wara. A ya a fɔ a ye ko, “I ma ila dan yen? A ara kɛndɛya.”

1 Mansɛnu 17:9

“Ta Sarɛfati min bi Saidon soe bolɔn do rɔ. N bara a fɔ kɛɛ-musi do ye nyɔ ko a ni i de-nyini nyɔ rɔ.”

2 Mansɛnu 4:16

Nɛbi Ilaisa ya a fɔ musi wo ye ko, “Kɛ-nyɔgɔn-tumɛ yari, a si a taran, den-kei siginɛ i kɔnkɔn tɔ.” Musi wo ko, “N fa, i yandi, Allata mɔgɛ le ile la. I kana foninyɛ fɔ n ye.”

2 Mansɛnu 4:20

Wɔli-kɛlɛ wo tara dan wo to a na ma tumɛ min, a na ya dan wo sigi a kian kuma. Ka a bi sɔgɔmɛ wo ma ha tele latelan, dan wo niyi bɔra.

Yobu 29:13

Hali sayɛ ara gbɛrɛn mɔgɛ minnu ma, wonu kɛnɛna n tantola. Kɛɛ-musinu bi n sigi sala ka a tɛgɛ nna wɔli-nyimɛla ko la.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Luka 7:11

Wo banda kɛ, Yisa tara soe do rɔ min tɔgɔ Nen. Ala karan-dannu anubɛ nyama-ba bilara a fɛ.

Luka 7:13

Mari ya musi wo yen tumɛ min, a kinikinita a ma bɛrɛkɛ! A ya a fɔ musi wo ye ko, “I kana di.”

Luka 8:42

bawo ala dunmusu kelen pe, min sɔrɔn ara san tan-ni-fila bɔ, wo ye faga-koe rɔ. Yisa bilara Yairasi fɛ tumɛ min, nyama ya a lafoo.

Luka 8:52

Mɔgɛ bɛɛ ye dila ka anu dɛ sa-a-rɔ dennɛ wola ko la. Yisa ko, “Wo kana di. Dennɛ wo ma faga. A ye kinɔgɛ le tɔ dɔrɔn!”

Yɔni 11:19

Yahudiya siyaman bara na nun Mariyama anubɛ Marata na-kelen-nyɔgɛ sa-kɔndɔli-kɛ-tinɛ.

Kɛwɔlɛnu 9:39

Woletɔ Pita wulita ka sɛgi anu fɛ. A kera tumɛ min, anu tara a la furi sanɛ kan min san-bɔn wo la. Kɛɛ-musi bɛɛ ya anu nadɛn Pita dafɛ. Anu bi Dɔrɔkasi dila kosɛbɛ! Ale Dɔrɔkasi ya duruku-kɔrɔ-donyɛ anubɛ duruku-wɛ minnu nadan a kɛndɛ tumɛ min, anu ya wo siyaman yira Pita la.

Kɛwɔlɛnu 9:41

Pita ya a bole bira ka a dɛnbɛ a lasɔla. Wo kɔma, a ya dɛnkɛninya-mɔgɛnu anubɛ kɛɛ-musinu kele ka a yira anu na, a kɛndɛ.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.