Luka 6:7 - ALLALA KUMƐ

⁷ Tɔn-karan-mɔgɛ donubɛ Farisinu bi a fɛ ka Yisa maburi tɔn-tinyɛla ko la. Woletɔ anu ya anu yɛ bɛn a ma ni a si mɔgɛ lakɛndɛya Sulen-Tele ma.

Luka 6:7 Iomraidhean Croise

Yaburi 38:12

N faga-sɔgɛ ye minnu na, wonu bi yili lasigila n ye. N madumɛ-sɔgɛ ye minnu na, wonu bi yanfɛ kirila n ma n tinya-koe la. Anu sa anu farala yanfɛ kirila n ma.

Aiseya 29:21

Mɔgɔ-tɔgɔ-tinyanɛnu wo, minnu bi yo dila ko-yogoma-kɛlɛnu ma wo, minnu bi foninyɛ fɔla alako mɔgɔ-telennɛnu kana yo sɔrɔn wo, Alla si wonu dama halaki.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Matiyu 5:39

Kɔnɔ kaka, n bi a fɔla wo ye ko min ba ko-yoge ma i la, i kana i tayili sara. Min ba i dɛ fan kelan ratii, i ni doi fanan tintan a la, a ni wo bɛrɛn tatii.

Maraka 3:2

Mɔgɛ donu fanan bi nyɔ minnu bi a fɛ ka Yisa maburi tɔn tinyana. Woletɔ anu ya anu yɛ bɛn a ma, ni a si kei wo lakɛndɛya Sulen-Tele ma.

Luka 13:14

Dina-bon-kun-tigi diminyara ko Yisa ara dandanli kɛ Sulen-Tele ma. Woletɔ a ya a fɔ mɔgɛnu ye ko, “Tele wɔrɛ ye ma bolo, ma si to wɔlila minnu ma. A bɛnta, mɔgɛnu ni na tele wonu tɔ ka kɛndɛyɛ nyini kɔnɔ wo ma bɛn Sulen-Tele ma mumɛ!”

Luka 20:20

Woletɔ anu ya dɛdɛ rasa a ma. Anu ya mɔgɛ donu sɔ minnu si anu nyɛrɛ ma iko mɔgɔ-nyimɛnu. Anu ya wonu sɔ alako ka Yisa bira nyinikalɛnu fɛ. Woletɔ anu si ke ka a ladon Romu kun-tigila fanka anubɛ sɛnbɛ kɔrɔ.

Yɔni 9:16

Farisi donu ko, “Min ya kɛ ma, wo ma bɔ Alla warɛ bawo a ma Sulen-Tele-tɔn bira.” Kɔnɔ dogbɛrɛnu ko, “Hakɛ-tigi ye min na, wo si ke kabana-ko-wɔli kɛ sifanu kɛla, wa?” Nba, dan-nafarɛ kɛra anu tɛma.