Luka 6:2 - ALLALA KUMƐ

² Farisi donu ko, “Nfenna wo ye wo mala? Mala tɔn ko mɔgɔ kana wo ma Sulen-Tele ma.”

Luka 6:2 Iomraidhean Croise

Bɔ-Koe-Iyipiti 22:10

“Ni mɔgɛ ya ata kolo-fan do kerifa a sigi-nyɔgɛ do la, ni a mara sofɛlɛ la wo, ni a mara ninki la wo, ni a mara saga la wo, ni a mara a sufa-wo-sufa la, ni kolo-fan wo fagara le, ni wo ma, ni a tanbanta le, ni mɔgɛ do buira a ma ka a bɔ a bolo ka ta a la fɔrɔsɛ la, ado mɔgɔ ma a yen a bɔla a bolo,

Bɔ-Koe-Iyipiti 31:15

Wo ni wola wɔlɛ kɛ tele wɔrɔ kɔrɔ. A tele wɔrɔnfila nyɔgɔn ma, wo ni wo sulen wo ma bawo tele le wo la min dantɛgɛnɛ nde, Mari ma. Ni min ya wo tele tinya, wo tigi ni faga yati!

Bɔ-Koe-Iyipiti 35:2

Wo ni wola wɔlɛnu kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo ma Sulen-Tele la bawo Marita tele-sɛnimɛ le Sulen-Tele wo la. Ta-sisi kana yen mɔgɔ-wo-mɔgɔ bolo Sulen-Tele ma wo sigi tinɛ bɛɛ rɔ. Min ba wɔli a tele wɔrɔnfila nyɔgɛ wo ma, wo ni a faga.”

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Matiyu 12:2

Farisinu ya wo yen tumɛ min, anu ya a fɔ Yisa ye ko, “A mafɛlɛn ila karan-dannu bi min mala kɛ la Sulen-Tele ma. Anu bi mala tɔn tinyana wo la!”

Matiyu 15:2

“Nfenna ila karan-dannu sa ma benbanuta karan birala? Yanni anu ni fan dɔn, anu ti anu bole laku mumɛ iko a sɛbɛnɛ tɔn rɔ nya min!”

Maraka 2:24

Woletɔ Farisinu ya a fɔ Yisa ye ko, “A mafɛlɛn ila karan-dannu bi min mala kɛ la Sulen-Tele ma. Anu bi mala tɔn tinyana wo la!”

Luka 5:33

Mɔgɛ donu ya a fɔ Yisa ye ko, “Yɔni-Batasi-Kɛlɛla gba-fɛ-bilalɛnu bi sunyɛ donna tuma-wo-tuma ka madiyali kɛ. Farisinuna karan-dannu fanan bi wo mala. Kɔnɔ ilela karan-dannu bi fen-dɔn-kɛla ka anu min.”

Yɔni 5:16

Ka a tɛgɛ wo ma, Yahudiyanuna kun-tiginu ya a lagbɛlɛyɛ dabira Yisa ma bawo a ya mɔgɛ lakɛndɛya Sulen-Tele ma.