Luka 5:30 - ALLALA KUMƐ

³⁰ Farisi anubɛ tɔn-karan-mɔgɛ minnu bi anu tɛma, wonu gbunyara Yisala karan-dannu ma ka anu manyinika ko, “Nfenna wo ye fan dɔnna duti-makelelɛnu anubɛ hakɛ-tiginu fɛ?”

Luka 5:30 Iomraidhean Croise

Aiseya 65:5

Kɔnɔ anu bi a fɔla donu ma ko, “Wo ni wo masɛgi ma la. Ma sɛninyanɛ ka tenbi wo le la.” Mari ko mɔgɔ-sufa wonu mani de iko ta-sisi tenbi a lagbesila a sunyɛ rɔ. A ko a diminyɛ min kɛnɛ wonu ma, wo mani de iko ta-dufenbɛlɛ.

Matiyu 5:46

Ni i ya i diyana-mɔgɛ dɔrɔn keni, i si barayi nyamintan sɔrɔn Alla bolo? Hali duti-makelelɛnu fanan si wo ma!

Matiyu 9:11

Farisi donu ya wo yen min kɛ, anu ya a fɔ Yisala karan-dannu ye ko, “Nfenna wo karan-mɔgɔ ye fen-dɔn-kɛla duti-makelelɛnu anubɛ hakɛ-tiginu fɛ?”

Maraka 2:16

Farisi minnu bi tɔn-karan-mɔgɔyɛ la, wo donu ya Yisa yen fen-dɔn la hakɛ-tiginu anubɛ duti-makelelɛnu fɛ tumɛ min, anu ya ala karan-dannu manyinika ko, “Nfenna Yisa ye fen-dɔn la duti-makelelɛnu anubɛ hakɛ-tiginu fɛ?”

Maraka 7:3

Farisinu anubɛ Yahudiyanu ya namu min sɔrɔn anu benbanu bolo, wo le ko anu ti fen dɔn fɔ anu ba anu bole laku a kilɛ fɛ.

Maraka 9:16

Yisa ya ala karan-dannu manyinika ko, “Wobɛ wonu bi wo nyɔgɔn sɔsɔla nfenna ko la?”

Luka 18:11

“Farisi wo sɔra a dan na ka wuli Alla madiyala ka le, a ko, ‘Alla, n bi baraka birala i ye bawo kɔrɔnditore ma nde la, kensunte ma n na, telenbɛli ma n na nna musi wara la iko mɔgɔ toe bɛɛ ye nya min, ado n bi baraka birala i ye bawo nde sa iko duti-makelelɛ kɛ pan!

Luka 19:7

Min bɛɛ ya wo yen, wonu ya gbunyɛ dabira. Anu ko, “E, n bɔnu, kei kɛ ara ta yiya hakɛ-tigi warɛ!”

Luka 5:17

Lunyɛ do, Yisa tenbi mɔgɛnu karanna, Farisi donubɛ tɔn-karan-mɔgɛnu siginɛ nyɔ minnu bɔra Kalili anubɛ Yudiya soe tɔnkɔn bɛɛ rɔ anubɛ Yerusalɛm. Marita sɛnbɛ ye Yisa rɔ ka kirayatoenu nakɛndɛya.

Luka 5:21

Tɔn-karan-mɔgɛnu anubɛ Farisinu wulita anu nyɔgɔn sɔsɔla ko, “Yon bi kei kɛ la min bi Alla lafɛyala? Mɔgɔ-wo-mɔgɔ ti ke hakɛ makotola fɔ Alla kelen pe!”

Luka 7:34

Nde, Hadama-dan nara tumɛ min, n ya fen-dɔn-kɛ ka n min. Wo ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le!’

Luka 7:39

Ale Farisi kei min ya Yisa kele, wo ya kɛ yen tumɛ min, a miriya tara ko, “Ni nɛbi-bɛrɛ le kei kɛ la nun, musi kɛ min tugura a la, a si musi kɛ wara-koe lɔn nun. A si musi kɛ su lɔn nun bawo hakɛ-tigi le wo la!”

Kɛwɔlɛnu 23:9

Woletɔ sɔnkɔ-sɔnkɛ koloyara. Tɔn-karan-mɔgɛ do minnu bi Farisinuna dina rɔ, wonu sɔra ka sɔsɔli-ba kɛ ko, “Ni kei kɛ ara ko-yogomɛ kɛ, male ma wo yen! Tumado tonyɛ le, nima-fan do ara kuma a ye nun, ni wo ma, melika.”