Luka 5:20 - ALLALA KUMƐ

²⁰ Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i hakɛnu ma ara koto.”

Luka 5:20 Iomraidhean Croise

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

Aiseya 38:17

Nna gboyanayɛ mara n ye kun-nadiyɛ la. I taranta n natankala gbalo-koe bɛɛ ma. I ye n hakɛ bɛɛ makotola.

Matiyu 9:2

Kei min solomonya-faganɛ a la, mɔgɛ donu nara wo la Yisa wara. A sanɛ sanyili rɔ. Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i yisi sa! I hakɛnu ma ara koto.”

Matiyu 9:5

Ka a fɔ ko i hakɛnu ma ara koto, anubɛ ka a fɔ ko i lasɔ ka tagama, nyamintan fɔɛ gbɛlɛ?

Maraka 2:5

Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i hakɛnu ma ara koto.”

Luka 7:48

Wo kɔma, Yisa ya a fɔ musi ye ko, “Ila hakɛnu ma ara koto.”

Yɔni 2:25

Mɔgɔ ti mɔgɔla ko rakaran Yisa ye bawo a ya mɔgɛ bɛɛ sɔndɔmɛ lɔn bɛrɛkɛ!

Yɔni 5:14

Wo kɔma, Yisa ya namarato-kɔrɛ wo yen Alla-Bato-Bɔn la. A ya a fɔ a ye ko, “I yɛ lana. I wara kɛndɛya kaka. Fara hakɛ la, ni wo ma, min yogo kɛ ko, wo kana ma i la.”

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 14:9

A ya a tole masɔ Pɔlita kumɛ la. Pɔli ara a yen min kɛ ko kei wo ara dɛnkɛninya Yisa ma, ado a si ke kɛndɛyala, a ya a mafɛlɛn sin!

2 Kɔrɛnti 2:10

Wo wa mɔgɛ do makoto ala ko-tinya-gbɛla ko la, nde fanan bara a makoto, ado ni a ya ko-yoge wo ko-yoge kɛ, n si a makoto min na, n bara a makoto ka a kɛ wolela ko la Kirasiti yala alako

Kɔlɔsi 3:13

Wo ni wo nyɔgɔn dɛnbɛ. Kumɛ wa wuli wo nyɔgɔn tɛma tumɛ min, wo ni wo nyɔgɔn makoto. Wo ni wo nyɔgɔn makoto iko Mari ara wo fɔlɔn makoto nya min.

Yemesi 2:18

Tumado, mɔgɛ do si a fɔ ko, “Dɛnkɛninyɛ ye ile bolo kɔnɔ kɛwɔlɛnu bi nde bolo.” N si a yabi ko, “I si ila dɛnkɛninyɛ mayira nya min, ni kɛwɔlɛnu sa a fɛ, wo yira n na. N si nta dɛnkɛninyɛ yira i la nta kɛwɔlɛnu fɛ.”