Luka 5:13 - ALLALA KUMƐ

¹³ Yisa ya a bole sa a kuma. A ko, “N bara sɔn i lakɛndɛya-koe ma!” Kirayɛ wo ya a boloka kelenna!

Luka 5:13 Iomraidhean Croise

Ko-Dabirɛnu 1:3

Nba Alla ko, “Waan ra ni ka.” Waan rakara.

Ko-Dabirɛnu 1:9

Wo kɔma Alla ko, “Yi min bi dugu ma, wo la ni dɛn kan-tina-kelen. Dugu-kole ni bɔ yi wo tɛma.” Wo mara iko a ya a fɔ nya min.

2 Mansɛnu 5:10

Nɛbi Ilaisa ya ala wɔli-kɛlɛ sɔ ka a fɔ Neyaman ye ko a ni ta a ku Yorodan bɛ rɔ iko wɔrɔnfila. Ni a ya wo ma, a si kɛndɛya feu!

2 Mansɛnu 5:14

Makawandili-kan wo le ya a ma, Neyaman tara a ku Yorodan bɛ rɔ iko wɔrɔnfila iko Allata mɔgɛ ya a fɔ a ye nya min. A kɛndɛyara ken! A fɛrɛ nunkura a ma pinapina iko kemini-nawuli-san.

Yaburi 33:9

A kumara le dɔrɔn, duninya danta. A kuman-kan ya a ma, duninyama-fan bɛɛ bɔra gbɛ rɔ.

Isikiyɛli 36:29

Koe min bɛɛ si anu natinya, n si anu nakanan wonu ma. N si a ma, fui-fannu ni sabati alako kɔnkɔ kana na nta mɔgɛnu bira tun.

Hoseya 14:4

Mari ko, “N si wole nta mɔgɛnu gbɛrɛn n ma tun ka wo makoto wola lanayabɛlitayɛla ko la. N si wo keni n yisi bɛɛ la, ado n ti kɔrɔtɔ wo ma tun!

Matiyu 8:3

Yisa ya a bole sa kirayatoe wo kuma. A ya a fɔ a ye ko, “N bara sɔn i lakɛndɛya-koe ma.” A fɛrɛ kɛndɛyara tiriya!

Luka 4:39

Yisa tara a sɔ nyɔ dafɛ a sanɛ kan min. A ya fɛrɛma-kaliyɛ wo makuma. A kɛndɛyara kelenna! A wulita tiriya ka wɔlɛ kɛ anu ye.

Luka 5:12

Yisa ye soe do burɔ tumɛ min, fɛrɛma-kirayatoe do ye nyɔ nun, ado fɛrɛma-kirayɛ ye a fɛrɛ bɛɛ ma. A ya Yisa yen tumɛ min, a ya a sa dugi ma Yisa kɔrɔ ka a madiya. A ko, “N fa, ni i sɔnta, i si ke n nakɛndɛyala.”

Luka 5:14

Yisa ya a fɔ a ye ko, “I kana kɛ fɔ mɔgɔ-wo-mɔgɔ ye kɔnɔ ta saraka-masɔlɛ wara, a ni i mafɛlɛn. Wo kɔma, i ni sarakɛ wo bɔ iko Nɛbi Musa ya a fɔ nya min ka a yira mɔgɛ bɛɛ la ko i wara kɛndɛya.”