Luka 4:41 - ALLALA KUMƐ

⁴¹ Nyinɛnu fanan gbele-gbelenmatoe bɔra nyinatoenu fɛ, anu ko, “Allala dan le ile la!” Anu ya a lɔn Allata-Mɔgɔ-Yabɔnɛ la min kɛ, Yisa ya a fɔ anu ye ko anu kana kuma.

Luka 4:41 Iomraidhean Croise

Matiyu 26:63

Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Matiyu 4:3

Setanɛ nara a wara. A ko, “Ni Allatalala dan le ile la, kuri kɛnu yɛlɛma biredi la.”

Matiyu 8:16

Wo wulɔn wurɛ la, mɔgɛnu nara nyinatoe siyaman na Yisa wara. Yisata kumɛ ya nyina-yoge wonu gben. Min bɛɛsi kirɛ, a ya wo bɛɛ lakɛndɛya.

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Matiyu 8:4

Wo kɔma, Yisa ya a fɔ a ye ko, “I tole masɔ! I kana kɛ fɔ mɔgɔ-wo-mɔgɔ ye kɔnɔ ta saraka-masɔlɛ wara tiriya! I ni i nyɛrɛ yira a la iko tɔn ya a fɔ nya min. Nɛbi Musa ya sarakɛ minna ko fɔ, i ni wo bɔ ka a yira mɔgɛ bɛɛ la ko i wara kɛndɛya.”

Maraka 1:25

Yisa ya a fɔ nyinɛ wo ye ko, “A sigi-a-la don! Bɔ kei kɛ fɛ kelenna!”

Maraka 1:32

Wura-dɛ la tele-yigi kɔmɛ, mɔgɛnu nara kirayato-su bɛɛ anubɛ nyinatoenu na Yisa wara.

Maraka 1:34

Min bɛɛsi kirɛ, a ya wonuna kiraya-su bɛɛ dandan ka nyina siyaman gben mɔgɛnu fɛ. A ma sɔn nyinɛnu ni kuma hali doni bawo wonu ya ale Yisa lɔn.

Maraka 3:11

Nba, nyina-yogomɛnu bi mɔgɛ minnu fɛ, wonu ba Yisa yen tuma-wo-tuma, anu si bui a kɔrɔ ka gbele-gbelen ko, “Allala dan le ile la!”

Luka 4:39

Yisa tara a sɔ nyɔ dafɛ a sanɛ kan min. A ya fɛrɛma-kaliyɛ wo makuma. A kɛndɛyara kelenna! A wulita tiriya ka wɔlɛ kɛ anu ye.

Yɔni 20:31

Kɔnɔ kɛnu sɛbɛnɛ alako wo ni la a la ko Yisa kɛ, Allala dan le, Alla ya min yabɔ ma kisi-koe la. Wo wa dɛnkɛninya a ma, wo si habadan-nimayɛ sɔrɔn a tɔgɛ rɔ.

Yemesi 2:19

I lanɛ a la ko Alla kelen pe le nyɔ, nyɛ? Wo kin! Nyinɛnu fanan lanɛ wo la ka yɛrɛyɛrɛn kilan bolo.