Luka 4:32 - ALLALA KUMƐ

³² A ya anu karan nya min, anu dama kawara wo ma bawo fanka ye ala kumɛ rɔ.

Luka 4:32 Iomraidhean Croise

Maraka 1:22

Min bɛɛ ya ala karan lamɔɛn, wonu kawara ala karan ma. A ma anu karan iko tɔn-karan-mɔgɛnu bawo sɛnbɛ ye ala karan rɔ!

Luka 2:47

Min bɛɛ ya ala kirabɔ-kan lamɔɛn, wonu kawara ala hɛnkilimayɛ anubɛ ala yabilɛnu ma.

Luka 4:33

Lunyɛ do, kei do ye Yahudiya-dina-bɔn la nun, nyina-yogomɛ ye min fɛ. A gbele-gbelenta ko,

Luka 4:36

Mɔgɛ bɛɛ kawara ka a fɔ anu nyɔgɔn ye ko, “Nfen kuma-sufa ye kɛ la? Kei kɛ ara kuma nyina-yogomɛnu ma sɛnbɛ anubɛ fanka la. Anu bi bɔla anu fɛ.”

Yɔni 6:63

Allata Ni-Sɛnimɛ le ye niyi dila mɔgɛnu ma. Sɛnbɛ sa mɔgɔ-wo-mɔgɔ bolo ka niyi di mɔgɛ ma. N bara kumɛ minnu fɔ wo ye kɛ la, Allala Ni-Sɛnimɛ min si niyi di mɔgɛ ma, wo le si niyi lana wo ma.

Yɔni 7:46

Kandannɛ wonu ya anu yabi ko, “Ha bi, mɔgɔ-wo-mɔgɔ ma kuma iko kei kɛ kumara nya min!”

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.