Luka 4:15 - ALLALA KUMƐ

¹⁵ A ya nyɔ-mɔgɛnu karan Yahudiya-dina-bɔnnu na, ado anu dama ya a wɔlɔbɔ.

Luka 4:15 Iomraidhean Croise

Aiseya 55:5

Wo ma sibole minnu lɔn kɔrɔma la, wo si wonu kele kan-tina-kelen, ado sibole minnu ma wo lɔn, wonu burimatoe si na wo wara. Kɛ damasi si ma bawo wole Isirɛlata Mari Alla-sɛnimɛ le wara gbiliyɛ di wo ma.

Matiyu 13:54

ka sɛgi a warɛ Nasarɛti. A ya karan kɛ Yahudiya-dina-bɔn la. Minnu ya a kan lamɔɛn, wonu kawara. Anu ya nyinikalɛ kɛ, anu ko, “A ya hɛnkili sifa kɛ sɔrɔn mi? A ye kabana-koe minnu kɛla don?

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Matiyu 9:35

Nba, Yisa tara so-wɛnu anubɛ so-mɛsɛnu tɔ. A ya mɔgɛnu kɔndɔn ka anu karan Yahudiya-dina-bɔnnu na. A ya kibara-nyimɛ kawandili bɔ ka kiraya-sufa bɛɛ lakɛndɛya mɔgɛnu na.

Matiyu 9:8

Mɔgɛnu ya a yen tumɛ min, anu kawara. Anu ya Alla tanto bawo a ara sɛnbɛ-su wo di mɔgɛnu ma.

Maraka 1:27

Mɔgɛ bɛɛ kawara ha anu ya a fɔ anu nyɔgɔn ye ko, “Nfen bi kɛ la? Karan-kurɛ do le, wa? Sɛnbɛ ye kei kɛ bolo hali ka kuma nyina-yogomɛnu ma, anu ni ala kumɛ bira.”

Maraka 1:39

Woletɔ a tara Kalili sigisɔn bɛɛ rɔ. A ya kawandili bɔ Yahudiya-dina-bɔnnu na ka nyinɛnu gben mɔgɛnu fɛ.

Maraka 1:45

Kɔnɔ kei wo tara kan tinɛ bɛɛ rɔ koe kɛ lawanka tinɛ mɔgɛnu tɛma. A tora a fɔla ha Yisa ma ke donna so-wo-so burɔ gbɛ rɔ, fɔ ka to a dan na. Kɔnɔ hali wo, mɔgɛnu tora nala a wara ka bɔ kan tinɛ bɛɛ rɔ.

Luka 13:10

Sulen-Tele do ma, Yisa ye mɔgɛnu karanna nun Yahudiya-dina-bɔn la.

Luka 4:16

Wo kɔma, Yisa tara Nasarɛti soe burɔ, a makolota kan min. Sulen-Tele ma, a wulita ka ta Yahudiya-dina-bɔn la iko a duruta a mala nya min. A ya a lasɔ alako a ni Allata kitabu karan anu ye.