Luka 4:1 - ALLALA KUMƐ

¹ Yisa sɛgira ka bɔ Yorodan bɛ fɛ, a fanɛ Allata Ni-Sɛnimɛ la. Wo kɔma, Allata Ni-Sɛnimɛ tara a la wulɛ rɔ.

Luka 4:1 Iomraidhean Croise

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Isikiyɛli 3:14

Marita Sɛnbɛ ye tala n na tumɛ min, ata fanka donta n tɔ a nya-bɛrɛbɛrɛ-wɛ ma. Yisi-bɔɛ donta n tɔ dɔgɔma-ma-de!

Matiyu 3:16

Yɔni ya Yisa batasi. A bɔra yi rɔ nkɛkuna, san-kolo-dɛ lakara. A ya Allala Ni-Sɛnimɛ yigimatoe yen iko kangbɔɛ. Wo sigira a kuma.

Luka 2:27

Yisa sɔrɔnnɛnu nara Yisa la Alla-Bato-Bɔn la. Anu ya wo ma a ye iko a sɛbɛnɛ Allata tɔn rɔ nya min. Wo wati, Allata Ni-Sɛnimɛ ya Simiyɔn ladon Alla-Bato-Bɔn la.

Luka 3:3

Ale Yɔni kera Yorodan bɛ tɔnkɔn bɛɛ rɔ. A ya kawandilɛ bɔ ko, “Wo ni tubi ka wo kɛ-nyanu yɛlɛma ka sɔn batasi-koe ma. Alla si wola hakɛnu makoto.”

Luka 3:38

Keyana fanan fa le Inɔsi la, Inɔsi fanan fa le Sɛti la, Sɛti fanan fa le Hadama la, min bi Allala dan la.

Luka 4:14

Wo kɔma, Yisa sɛgira Kalili sigisɔn rɔ. Allata Ni-Sɛnimɛ ye a fɛ. A mankan nyɛnsɛnta nyamanɛ wo bɛɛ rɔ.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Yɔni 1:32

Yɔni ya sereyɛ min bɔ, wo le kɛ la. A ko, “N ya Allata Ni-Sɛnimɛ yen yigila a kuma ka bɔ Arinyɛni tɔ kangbɔɛla muninyɛ rɔ ka to a fɛ.

Yɔni 3:34

Alla ara min sɔ, wo si Allala kumɛ fɔ bawo Alla le si ala Ni-Sɛnimɛ di a ma duk!

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 8:39

Anu bɔra yi rɔ tumɛ min, Marita Niyi ya Filipi bɔ a fɛ. Kun-tigi wo ma a yen tun. Kɔnɔ a sewanɛ tara a warɛ.