Luka 3:3 - ALLALA KUMƐ

³ Ale Yɔni kera Yorodan bɛ tɔnkɔn bɛɛ rɔ. A ya kawandilɛ bɔ ko, “Wo ni tubi ka wo kɛ-nyanu yɛlɛma ka sɔn batasi-koe ma. Alla si wola hakɛnu makoto.”

Luka 3:3 Iomraidhean Croise

Matiyu 3:11

“N bi wo batasila yi rɔ alako mɔgɛnu ni a lɔn ko wo ara tubi ka wo kɛ-nyanu yɛlɛma. Kɔnɔ ale min bi nala nde kɔma, wo si wo batasi Allala Ni-Sɛnimɛ la anubɛ tɛ min si wo sɛninya. A makawara nde ko pirr! Nde ma bɛn, hali ka ala sanbarɛ bi a ye.

Luka 1:16

A si Isirɛla ka siyaman nana tun anuta Mari Alla ma.

Luka 1:77

I si hɛnkili di ala mɔgɛnu ma anu si kisi-koe sɔrɔn nya min hakɛ-makoto-koe fɛ

Luka 4:1

Yisa sɛgira ka bɔ Yorodan bɛ fɛ, a fanɛ Allata Ni-Sɛnimɛ la. Wo kɔma, Allata Ni-Sɛnimɛ tara a la wulɛ rɔ.

Yɔni 1:28

Kɛ bɛɛ mara Bɛtani soe da kɔrɔ, Yɔni ye batasili kɛla kan min nun, Yorodan bɛ kɔgɔma.)

Yɔni 3:26

Woletɔ anu tara Yɔni wara ka a fɔ a ye ko, “Karan-mɔgɔ, i ya minna ko fɔ, nba, wo ye mɔgɛnu batasila kaka, ado mɔgɛ bɛɛ ye tala a wara!”

Kɛwɔlɛnu 13:24

Yanni Yisa ni na, Yɔni ya Isirɛla mɔgɛ bɛɛ kawandi ko anu ni tubi ka anu kɛ-nyanu yɛlɛman ka batasi.

Kɛwɔlɛnu 19:4

Pɔli ko, “Yɔni ya mɔgɛnu batasi alako anu ni anu kan-kɔ sɔ anuna hakɛ la ka anu ya-lamunun Alla la. A ya a fɔ Yahudiyanu ye ko anu ni la mɔgɔ-gbɛrɛ la min bi nala ale kɔma, ado Yɔni ye Yisa le ma nun.”

Kɛwɔlɛnu 22:16

Nba kaka, i ye nfen makɔnɔna tun? I lasɔ ka batasi. I ni Alla matara Yisa tɔgɛ rɔ alako i hakɛ bɛɛ ni yesi ka ban feu!’