Luka 3:22 - ALLALA KUMƐ

²² Allata Ni-Sɛnimɛ yigira Yisa kuma kangbɔɛla muninyɛ rɔ. Kuman-kan bɔra Arinyɛni tɔ ko, “N diyana-dan le ile la. I wara n hɛnɛ feu!”

Luka 3:22 Iomraidhean Croise

Yaburi 2:7

Mari ara kumɛ min mabanban, nde, mansɛ ye wo le latenbila wo ma. Mari ya a fɔ n ye ko ka a bi bi ma, ala dan le nde la. Nde fa le ale Mari la.

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Matiyu 12:18

“N bara nna wɔli-kɛlɛ min yabɔ, wo le kɛ la. N bara wo keni, ado wo ara n hɛnɛ feu! N si nta Ni-Sɛnimɛ sa a kuma. A si telenbagayɛ wara-koe fɔ sibole bɛɛ ye.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 27:43

A lara Allatala la. A ko Allala dan le ale la. Nba, ma ni a mafɛlɛn, ni a sɔgɛ ye Alla la ka a lakisi!”

Matiyu 3:13

Wo wati rɔ, Yisa bɔra Kalili sigisɔn rɔ ka ta Yɔni bara Yorodan bɛ fɛ alako a ni a batasi.

Matiyu 3:16

Yɔni ya Yisa batasi. A bɔra yi rɔ nkɛkuna, san-kolo-dɛ lakara. A ya Allala Ni-Sɛnimɛ yigimatoe yen iko kangbɔɛ. Wo sigira a kuma.

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Maraka 1:11

Kuman-kan bɔra Arinyɛni tɔ ko, “N diyana-dan le ile la. I wara n hɛnɛ feu!”

Maraka 1:9

A ma mɛ wo kɔma, Yisa nara ka bɔ Nasarɛti soe burɔ Kalili sigisɔn rɔ. A ke nyɔ, Yɔni ya a batasi Yorodan bɛ rɔ.

Maraka 9:7

Banda-finyɛ burunta anu kun na. Kuman-kan bɔra banda-finyɛ wo rɔ. A ko, “N diyana-dan le kɛ la. Wo ni wo tole masɔ a la!”

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Luka 4:21

A wulita kumala anu ye ko, “Allata kitabu kan tinɛ kɛ, wo ara bɔ-a-la bi iko n bara a karan wo ye nya min.”

Yɔni 1:32

Yɔni ya sereyɛ min bɔ, wo le kɛ la. A ko, “N ya Allata Ni-Sɛnimɛ yen yigila a kuma ka bɔ Arinyɛni tɔ kangbɔɛla muninyɛ rɔ ka to a fɛ.

Yɔni 12:28

E, n Fa, ila gbiliyɛ yira mɔgɛnu na!” Wo kɔma, kuman-kan bɔra Arinyɛni tɔ, a ko, “N bara ban nna gbiliyɛ mayirala mɔgɛnu ye nun, ado n si a mayira tun.”

Yɔni 5:37

N Fa Alla min ya n sɔ, wo fanan ye sereyɛ bɔla n ye. Wo ma a kan lamɔɛn, ado wo ma a yakɔrɛ yen mumɛ!

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɔlɔsi 1:13

A ara ma kisi pinpita sɛnbɛ ma ka na ma la a diyana-danta mansaya-sɛnbɛ kɔrɔ.

1 Pita 2:4

Wo na Mari ma, Allata kuru-nimɛ, kɔni, mɔgɛnu ya anu ban min na nun. Anu ma a lɔn fenfen na kɔnɔ a yabɔnɛ Alla bolo bawo a gbiliyanɛ Alla ya la.