Luka 3:11 - ALLALA KUMƐ

¹¹ A ya anu yabi ko, “Duruku fila ye min bolo, fen sa min bolo, a ni kelen di wo ma. Dɔn-fan ye min bolo, a ni mɔgɛnu kɔ.”

Luka 3:11 Iomraidhean Croise

Isikiyɛli 18:7

A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Luka 18:22

Yisa ya kɛ lamɔɛn tumɛ min, a ya a fɔ a ye ko, “A tonɛ ko-kelen-pe le ma gbɛ, ta i bolo-fan bɛɛ fere ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Yɔni 13:29

Yudasi ye wodi-bɔrɛ marala nun min kɛ, ala karan-dan donu ya anu miri ko Yisa ara a fɔ a ye ko a ni ta dɔn-fan san anu ye ladiyɛla ko la. Ni wo ma, a ara a fɔ a ye ko a ni fan do di bolo-kolɔnnu ma.)

Kɛwɔlɛnu 10:2

Dina-mɔgɛ le fanan. Ale anubɛ ala denbayɛ bɛɛ ye Alla batola, ado a duruta Yahudiya bolo-kolɔnnu dɛnbɛna bɛrɛkɛ! A ye Alla madiyala tuma-wo-tuma kɔnɔ Yahudiya ma.

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Kɛwɔlɛnu 10:4

A ya melika mafɛlɛn sin! A kilanta dɔgɔma-ma-de! A ko, “N fa, nfen mara?” Melika ya a fɔ a ye ko, “I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

1 Timoti 6:18

I ni anu makawandi ko anu ni ko-nyimɛ kɛ anuna wodi rɔ. Anu ni ma nɔnfulu-tiginu na anuna kɛwɔli-nyimɛnu tɔ. Anu fanan ni foninsereyɛ kɛ ka mɔgɛnu kɔ.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.

Yemesi 2:14

N na-kelen-nyɔgɛnu kana a fɔ ko, “Dɛnkɛninyɛ ye n bolo,” ni ila kɛwɔlɛnu ma a yira. Wo si nfen nyinya i ma? Ita dɛnkɛninyɛ wo si ke i kisila worɔ, wa?

1 Yɔni 3:17

Ni nɔnfuli ye mɔgɛ do bolo, a ni a yen ko a na-kelen-nyɔgɛ makoe ye fan do la kɔnɔ a ma kinikini a ma, wo si a fɔ kama ko Allala keninteyɛ ye a yisi rɔ?

1 Yɔni 4:20

Ni mɔgɛ ko a ara Alla keni, hali wo, a na-kelen-nyɔgɛla ko lamaranɛ a yisi rɔ, foninya-fɔlɛ le wo tigi la. Ma ara ma na-kelen-nyɔgɛ min yen, ni ma ma wo keni, Alla don, ma ma min yen bɛ? Ma si a fɔ kama ko ma ye wo kenina?