Luka 3:1 - ALLALA KUMƐ

¹ Mansa-Ba Taibiriyasi, Romu kun-tigi-ba, kɔni, wola mansayɛ san tan-ni-loli nyɔgɛ ma, Pontiyasi Pailɛti fanan bi kun-tigiyɛ la Yahudiya nyamanɛ rɔ, ado Mansa Hɛrodi ye mansayɛ la Kalili sigisɔn kun na. A na-kelen-nyɔgɛ Mansa Filipi ye mansayɛ la Aituriya anubɛ Tarakoniti sigisɔnnu kun na. Mansa Laiseniya ye mansayɛ la Abilin sigisɔn kun na.

Luka 3:1 Iomraidhean Croise

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Matiyu 14:1

Mansa Hɛrodi min bi Kalili sigisɔn kun na, wo ya Yisa wara-koe lamɔɛn tumɛ min,

Matiyu 14:3

Yɔni ye Hɛrodi miriya rɔ bawo a ya a ma nun, a ara Yɔni bira ka a kiri yele la. A ya wo ma ka a tɛgɛ a na-kelen-nyɔgɛ Filipila musi Hɛrodiyasila ko la.

Matiyu 14:6

Hɛrodi sɔrɔn-tele kera tumɛ min, Hɛrodiyasila dunmusi ya a dɔn nyama bɛɛ yala. Dɔn wo ya Hɛrodi hɛnɛ kati!

Matiyu 22:17

Nba, i miriya ye kama? Ka duti sara Romu nyamani-kun-tigi wara, mala tɔn-tinyɛ le wo la, ka, a sa wo nya? Wo fɔ ma ye.”

Matiyu 27:2

Anu ya a kiri yɔlɔkɛ la ka ta a don Romu kun-tigi Pailɛti bolo.

Maraka 6:17

Hɛrodi ya a dɔgɔ-keminɛ Filipila musi bi a bolo min kɛ nun, Yɔni-Batasi-Kɛlɛ tora a fɔla Hɛrodi ma nun ko, “A ma bɛn i ni i dɔgɔ-keminɛla musi bi a bolo!” Wo le ya a ma, Hɛrodi nyɛrɛ ya Yɔni bira-koe latɛgɛ nun ka a sa yele la alako a si ala musi Hɛrodiyasi hɛnɛ nya min.

Maraka 6:21

Tɔ-a-la, Hɛrodiyasi ya fɛrɛ sɔrɔn Yɔni ma. Mansɛ sɔrɔn-tele kera tumɛ min, a ya ladiyɛ kɛ ala kun-tiginu ye nun anubɛ ala kɛlɛ-den-kunyɛnu anubɛ Kalili nyamanita-mɔgɔ-banu.

Luka 13:31

Wo wati nyɛrɛ rɔ, Farisi donu nara Yisa wara ka a fɔ a ye ko, “A fisa, i ni bɔ yan ka ta kan-tina-gbɛrɛ rɔ bawo i faga-sɔgɛ ye Hɛrodi la.”

Luka 2:1

Kun-tigi-ba Ɔgasita min bi Romu nyamanɛ kun na, wo wati rɔ, a ya tɔn sigi ko ala nyamanita-mɔgɛ bɛɛ tɔgɛ ni sɛbɛ.

Luka 23:24

Wo le ya ma, Pailɛti ya Yisala kiti tɛgɛ iko anu ya a fɔ a ye nya min.

Luka 3:19

Kɔnɔ Yɔni kumara Mansa Hɛrodi ma bawo a ya a na-kelen-nyɔgɛla musi bi a bolo, Hɛrodiyasi, kɔni, ado a ara ko-yogomɛ siyaman kɛ fanan.

Luka 9:7

Mansa Hɛrodi min siginɛ Kalili sigisɔn kun na, wo ya koe kɛ bɛɛ lamɔɛn tumɛ min, a kɔndɔfilita wola ko la bawo mɔgɛ donu ko Yɔni-Batasi-Kɛlɛ ara sɛgi a niyi la tun!

Kɛwɔlɛnu 23:26

“Nde, Kalodiyasi Lisiyasi ye ile Sigisɔn-Mansa-Nyimɛ Filikisi kɔndɔnna bɛrɛkɛ!

Kɛwɔlɛnu 24:27

San fila kɔma, Porisiyasi Fɛsitasi sigira sigisɔn-mansayɛ la Mansa Filikisi gbɛ rɔ. Kɔnɔ Mansa Filikisi ye a fɛ nun ka Yahudiyanu diyana-koe kɛ, woletɔ a ya Pɔli to yele la.

Kɛwɔlɛnu 26:30

Wo kɔma, Mansa Agaripa wo, Sigisɔn-Mansa Fɛsitasi wo, Bɛnasi wo, anubɛ mɔgɛ toe bɛɛ ya anu nasɔ.

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.