Luka 24:5 - ALLALA KUMƐ

⁵ Musinu kilanta kati! Anu ya anu maburun dugi ma. Kei wonu ya a fɔ anu ye ko, “Nfenna ko la, wo ye mɔgɔ-kɛndɛ nyinina mɔgɔ -faganɛnu tɛma?

Luka 24:5 Iomraidhean Croise

Daniyɛli 10:16

Wo kɔma, melika min sɔnɛ n dafɛ nun, wo nara a bole tugun n da-gbole la. N dɛ fulenta. N ya a fɔ a ye ko, “N tigi, n mɔlɔkɔnɛ ko-rayen kɛ bolo. Ha bi, n bi yɛrɛyɛrɛnna.

Daniyɛli 10:19

A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Luka 1:29

Ka a tɛgɛ melikala kumɛ ma, Mariyama kɔndɔfilita kati! A tora a mirila kumɛ wonu kɔrɛ ma.

Luka 24:4

Anu kɔndɔfilinɛ sɔra nyɔ kɛla ko la. Tiriyante wo rɔ, kei kura-gbɛ-tigi filɛ minna kurɛnu bi malan-malanna anu ma, wonu sɔra anu dafɛ.

Luka 24:6

A sa yan. A la ara wuli. Wo ye Kalili tumɛ min, a ya min fɔ wo ye, wo ni wo hɛnkili to wo ko.

Kɛwɔlɛnu 2:24

Kɔnɔ Alla ya a lawuli ka bɔ furinu tɛma. A ya a hɔrɔya saya-dumɛ ma bawo a ti ke tola biralɛ rɔ sayɛ bolo,

Hiburunu 7:8

Saraka-masɔlɛ minnu si yaka makele, mɔgɔni-gbuyi le wonu na dɔrɔn. Lunyɛ do, anu si faga. Kɔnɔ Mɛlikisidaki min ya yaka bira, wola faga-ko sɛbɛni ma Allata kitabu rɔ.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 2:8

“I ni kɛdi sɛbɛ ka a lata Simirina-chɔchi-melika ma. “ ‘Nde le a fɔlɔtɛ anubɛ a laban la. Nde faganɛ nun kɔnɔ kaka, n bi n niyi la.