Luka 24:44 - ALLALA KUMƐ

⁴⁴ Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Luka 24:44 Iomraidhean Croise

Ko-Dabirɛnu 14:18

Selam so-tigi Mɛlikisidaki nara biredi anubɛ nɔnbɔ-gbɔ-yi la Burama ye. Alla Min Bi Fan Bɛɛ Kun Na, wola saraka-masɔlɛ do le Mɛlikisidaki kɛ la.

Ko-Dabirɛnu 22:18

Duninya-mɔgɛ bɛɛ si duwɛ sɔrɔn ile bɔnsɔn fɛ kamasɔrɔn i wara n kuman-kan to a gbɛ rɔ.”

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 118:22

Bon-sɔlɛnu ya anu ban kuri min na ko fen ma, wo le ara ma sɛbɛna-kuru-tɔnɔnamɛ la.

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 52:13

Mari ko ala wɔli-kɛlɛ si ala wɔlɛ nɔ le, ado mɔgɛnu si a bi ka a gbiliya.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 33:14

Mari ko wati ye nala, a ara lanyiri min kiri Isirɛla anubɛ Yuda nyamanita-mɔgɛnu ye, a si wo latɔnbagaya.

Isikiyɛli 17:22

“Nde, wo Tigi Mari kan le kɛ la ko n si sida-kɔlɔma-layan-bɛ-sore keri a la. N ni ta wo ki kɔnkɔ-layan-bɛ do kuma,

Isikiyɛli 34:23

N si mansɛ di anu ma iko nta wɔli-kɛla Dawuda ye saga-fɛ-birayɛ la nya min nun. Wo kelan si anu fɛ-bira a kin na!

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 7:13

“Nna kiyo kɛ rɔ, n ya fan do yen min muninyanɛ hadama-dan la. A ye nala n magbenna, a lafoonɛ banda-finyɛ la. A tara a sɔ Habadan-Tigi-Alla dafɛ, anu ya a raka wo la.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Emɔsi 9:11

Mari ko tele wo ye nala, Mansa Dawudata bɔn min manɛ tonbɔn la, a si wo sɔ a kurɛ la. A si ala dandannu sɔ tun ka wo bɛɛ rabɛn iko a ye nya min fɔlɔ nun.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Sakaraya 14:4

Wo wati rɔ, a si sɔ Ɔlifi kɔnkɛ kuma Yerusalɛm tele-bɔɛ wara la. Kɔnkɛ wo si bɔ tiila tele-bɔɛ wara la ha tele-yigi. A tɔnkɔn kelan si ta kantɔ-wara la, a tɔnkɔn doi ni ta dugula wara la.

Sakaraya 6:12

A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Yilan-Yilan Koe 21:8

Mari ya a fɔ Musa ye ko, “Silɛɛ do bi. I ni a ladan iko duguma-fan ka a sa kɔlɔma ma ka a layɛlɛ san ma. Ni sagan-fan ya mɔgɛ min kin, wo tigi ni a yɛ sɔ duguma-fan wola muninyɛ la. A si beli.”

Yilan-Yilan Koe 35:25

Anu si mɔgɔ-fagalɛ wo bi ka sɛgi a la lakisi-soe wo rɔ a bɔra kan min. A siginɛ si to soe wo burɔ ha saraka-masɔla-kun-tigi-wɛ wo ni faga tumɛ min.

Matiyu 1:22

Nba, kɛ bɛɛ mara alako Mari ya min bɛɛ fɔ nɛbi ye, wonu ni bɔ-a-la ko,

Matiyu 16:21

Ka a dabira wati wo ma, Yisa wulita a fɔla ala karan-dannu ye ka a gbɛ anu ye ko a fɛrɛ sa fɔ a ni ta Yerusalɛm ka tɔrɔyɛ siyaman sɔrɔn kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. A ko anu si a faga nyɔ. A tele sawa nyɔgɛ, Alla si a lawuli tun ka bɔ furinu tɛma.

Matiyu 26:54

Kɔnɔ ni wo mara, min sɛbɛnɛ Allata kitabu rɔ, wo si ke bɔla a la kama worɔ?”

Matiyu 26:56

Kɔnɔ kɛ bɛɛ mara alako nɛbinu ya min sɛbɛ Allata kitabu rɔ, wo ni bɔ-a-la.” Nba, karan-dannu bɛɛ bɔra a fɛ ka anu buri.

Maraka 9:31

bawo a ye ala karan-dannu karan tinɛ. A ko, “Anu si nde, Hadama-dan don mɔgɛnu bolo tɔ. Anu si n faga. Kɔnɔ a tele sawa nyɔgɛ, Alla si n nawuli tun ka bɔ furinu tɛma.”

Luka 21:22

Wo bɛɛ si ma tɔrɔya-telenu na, ado Allata kitabu ya min fɔ, wo bɛɛ ni bɔ-a-la.

Luka 22:37

Bawo n bi kɛ fɔla wo ye, min sɛbɛnɛ Allata kitabu rɔ ndela ko la, a ko anu ya a kofu ko-yogoma-kɛlɛnu ma, ado fɔ wo ni na bɔ-a-la. Min sɛbɛnɛ ndela ko la, wo ye nala bɔla a la le.”

Luka 24:46

A ya a fɔ anu ye ko, “Kɛ le sɛbɛnɛ ko fɔ nde, Allata-Mɔgɔ-Yabɔnɛ ni tɔrɔ, a tele sawa nyɔgɛ ma, n ni wuli ka bɔ sayɛ rɔ.

Luka 9:22

Yisa ko, “Anu si nde, Hadama-dan tɔrɔ kati! Kɛmɔgɛnu anubɛ saraka-masɔlɛnu anubɛ tɔn-karan-mɔgɛnu si anu ban n na. Anu si n faga kɔnɔ a tele sawa nyɔgɛ, n si wuli tun.”

Luka 9:44

“N bi min fɔla wo ye, wo kana nyina wo ko! Anu si nde, Hadama-dan don mɔgɛnuna sɛnbɛ kɔrɔ.”

Yɔni 3:14

“Iko Nɛbi Musa ya duguma-fen-misalɛ layɛlɛ kɔlɔma ma san ma wulɛ rɔ nya min, nde, Hadama-dan fanan na si yɛlɛ wo nya.

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Yɔni 5:46

Ni wo ara la Nɛbi Musa la nun bɛrɛkɛ, wo si la nde fanan na nun bawo ale le ya n wara-koe sɛbɛ.

Kɛwɔlɛnu 13:33

a ara wo kɛ male, a bɔnsɔnnu ye kaka bawo Alla ya Yisa lawuli ka bɔ furinu tɛma. Iko a sɛbɛnɛ Yaburi kitabu fila nyɔgɛ rɔ nya min ko, ‘I mara nna dan la bi. N bara ma i Fa la.’

Kɛwɔlɛnu 13:40

Woletɔ wo ni a ma wo fɛrɛma. Nɛbinu ya min fɔ, wo kana ma wo la bawo a sɛbɛnɛ ko,

Kɛwɔlɛnu 2:27

Yigi wo ye n bolo bawo n niyi ti to lakira. I ti sɔn nde, ila Wɔli-Kɛla-Sɛnimɛ ni tuli kanbɛ rɔ.

Kɛwɔlɛnu 3:18

Kebi fɔlɔ, Alla ya a fɔ ala nɛbi bɛɛ baraka rɔ ko fɔ Allata-Mɔgɔ-Yabɔnɛ ni tɔrɔ, ado wo ara bɔ-a-la ka le.

Kɛwɔlɛnu 7:37

Ale Musa le wo la min ya a fɔ Isirɛla mɔgɛnu ye ko Alla si nɛbi do lana anu ma iko a ya ale lana nya min, ado a si nɛbi wo yabɔ anu denuta mɔgɛnu tɛma.

Hiburunu 10:1

Ko-nyimɛ minnu bi nala yarɔ, Yahudiyanuna tɔn mamunnɛ le wo la. A bɛrɛbɛrɛ-wɛ ma tɔn wo la. Mɔgɛnu bi saraka-su kelan wo bɔla san-bo-san tolon! Minnu bi nyinina nala Alla wara, sɛnbɛ sa saraka-su wonu na ka anu kanbali Alla ye.

Hiburunu 3:5

Nɛbi Musa le wɔli-kɛlɛ wo la min wɔlita Allata mɔgɛnu tɛma a kilɛ fɛ. Alla ye nala min fɔla ma ye yarɔ, ale Musa mara wo misalɛ la.

Hiburunu 7:1

Mɛlikisidaki ye so-tigiyɛ le la Selam soe burɔ nun. A ye saraka-masɔlayɛ fanan na Alla ye, Alla Min Bi Fan Bɛɛ Kun Na, kɔni. Ma benba Iburayima bɔnɛ mansɛ doinu nɔ tinɛ kɛlɛ rɔ, anubɛ Mɛlikisidaki bɛnta kilɛ la. Ale Mɛlikisidaki duwara Iburayima ye.

Hiburunu 9:8

Allata Ni-Sɛnimɛ ye a lagbɛla kɛ le fɛ ko fananta fani-bon-kɔrɔmɛ sɔnɛ, Sɛnima-Sɛnima-Tinɛ kilɛ min manɛ iko Arinyɛnɛ ta kilɛ, wo la ma ka wɛ.

1 Pita 1:11

Kirasitila Niyi min bi anu tɔ, wo ya wati wola koe fɔ anu ye. Kirasiti si na tɔrɔyɛ minnu sɔrɔn anubɛ gbiliyɛ min si bɔ tɔrɔyɛ wo kɔma, anu ya wo bɛɛ faranfasi. Anu ya anu taya wati wo lɔn-koe ma anubɛ a si na nya min.

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.