Luka 23:5 - ALLALA KUMƐ

⁵ Anu ya anu taya bɛrɛkɛ! Anu ko, “A wulita mɔgɛnu namurutiyala ala karan fɛ Yudiya nyamanɛ bɛɛ rɔ. A ya wo dabira Kalili, ado a ara na yan de gbɛ!”

Luka 23:5 Iomraidhean Croise

Yaburi 22:16

N namininɛ karagbɛlɛnu bolo. Anu bi tola anu gbɛrɛnna n ma iko wulu-kurɔn. Anu bi n bolenubɛ n kian mafarafarala.

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Yaburi 69:4

N sɔgɔ labɔnɛ minnu na, n ma ko ma minnu na, wonu siya n kun-sigi ko. N yogenu bi tɔgɛ sala n na. Anu tagbɛlɛ n ko, ado n faga-sɔgɛ ye anu na. N ma fan minnu bi, anu bi n fɔrɔsɛla ko n ni wonu nasɛgi.

Matiyu 11:1

Yisa banta a sarala ala karan-den tan-ni-filɛ la tumɛ min, a bɔɛ nyɔ, a tara Kalili nyamanita soenu tɔ ka mɔgɛnu karan anubɛ ka kawandili bɔ.

Matiyu 2:1

Yisa sɔrɔnta Bɛtalehɛm soe burɔ Yudiya nyamanɛ rɔ wo tumɛ Hɛrodi ye mansayɛ la nyɔ kun na. A ma mɛ wo kɔma, minnu ya lolenu-karan lɔn, wo donu bɔra tele-bɔɛ ka na Yerusalɛm.

Matiyu 27:24

Pailɛti ya a yen tumɛ min ko a ti nɔ-ko sɔrɔn anu ma, ado sɔnkɔ-sɔnkɛ ye nala bɔla-a-rɔ le, a ya yi bi ka a bole laku nyama yala. A ko, “Ndeta sa kei kɛ faga-koe rɔ! Wota kɛwɔli le wo la!”

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Maraka 1:14

Anu ya Yɔni ladon yele la tumɛ min, Yisa tara Kalili sigisɔn rɔ alako a ni Allala kibara-nyimɛ kawandili bɔ nyɔ rɔ.

Luka 11:53

Yisa bɔra nyɔ tumɛ min, tɔn-karan-mɔgɛnu anubɛ Farisinu wulita a yakɔrɔ-mamɔla ka a manyinika nyinikali-gbɛlɛmɛnu na.

Luka 23:23

Kɔnɔ anu tora wɔyɔ layɛlɛla ko, “Yisa ni gbangban kɔlɔma ma.” Tɔ-a-la, anuna kumɛ ya sɛnbɛ sɔrɔn.

Luka 23:6

Pailɛti ya kɛ lamɔɛn tumɛ min, a ya nyinikali kɛ ko, “Kalili kɛ le kei kɛ la worɔ?”

Yɔni 1:43

Wo banda kɛ, Yisa ya a latɛgɛ ko a ni ta Kalili sigisɔn rɔ. A ya Filipi yen. A ya a fɔ a ye ko, “Bila n fɛ!” (

Yɔni 19:15

Anu ya a lasɔnkɔ tun ko, “A faga! A gbangban ka a faga kɔlɔma ma!” Pailɛti ya anu manyinika ko, “Wo ye a fɛ, n ni wola mansɛ gbangban kɔlɔma ma, wa?” Saraka-masɔla-wɛnu ya a yabi ko, “Mansa-gbɛrɛ sa ma bolo fɔ min bi Romu nyamanɛ kun na!”

Yɔni 2:11

Yisa ya ala kabana-ko-tamasere fɔlɔtɛ kɛ yira Kena soe burɔ Kalili sigisɔn rɔ min ya ala gbiliyɛ mayira. Ala karan-dannu nara to lala a la.

Yɔni 7:41

Donu ko, “Alla ya mɔgɛ min yabɔ ma kisi-koe la, ale le kɛ la, yɔ!” Kɔnɔ donu fanan ko, “Wo ti bɔ Kalili sigisɔn rɔ!

Yɔni 7:52

Anu ya a yabi ko, “Kalili kɛ le ile fanan na, wa? I ni ta Allata kitabu karan, i si a lɔn ko nɛbi ti bɔ Kalili sigisɔn rɔ mumɛ!” [

Kɛwɔlɛnu 10:37

Yɔni banta batasili-ko-kawandili bɔla tumɛ min, ka a dabira Kalili sigisɔn rɔ ha ka ke Yudiya nyamanɛ bɛɛ rɔ, ko-wɛ min kɛra wo kɔma, wo ye wo kalama, wa?

Kɛwɔlɛnu 23:10

Sɔsɔli warata ha kɛlɛ-den-kun-tigi-ba wo kilanta ko tumado, anu si Pɔli rafarafara iko kura-kore. Woletɔ a ya a fɔ ala kɛlɛ-dannu ye ko anu ni ta Pɔli bi nyama tɛma ka ta a la bariki rɔ anu ti kɛ a ma kan min.

Kɛwɔlɛnu 5:33

Mɔgɔ-banu ya wo lamɔɛn tumɛ min, anu yisi bɔra bɛrɛkɛ! Marita kilayɛnu faga-sɔgɛ ya anu bira kosɛbɛ!

Kɛwɔlɛnu 7:54

Yahudiyanuna kun-tigi wonu ya kumɛ wo lamɔɛn tumɛ min, anu yisi bɔra Sitifen kan ma dɔgɔma-ma-de! Diminyɛ wo ya a ma, anu ya anu nyin makin.

Kɛwɔlɛnu 7:57

Anu gbele-gbelenta ka anu bole digin anu tolenu tɔ. Anu dama kɛra a ma tiriya!