Luka 23:4 - ALLALA KUMƐ

⁴ Wo kɔma, Pailɛti ya a fɔ saraka-masɔla-wɛnu anubɛ nyama ye ko, “N ma kei kɛ yiliki-nya yen hali!”

Luka 23:4 Iomraidhean Croise

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

Maraka 15:14

Kɔnɔ Pailɛti ya anu manyinika ko, “A ya ko-yogomɛ nyamintan kɛ?” Anu sɔnkɔra ha ka a dan natenbi ko, “A gbangban kɔlɔma ma!”

Luka 23:22

Pailɛti ya a fɔ anu ye a kinyama sawa nyɔgɛ ko, “A ya ko-yogomɛ-nyamintan kɛ n si a faga minna ko la? N bi a gbesila ka a boloka.”

Yɔni 18:38

Pailɛti ya a manyinika tun ko, “Tonyɛ ye nfen na?” Nba, Pailɛti bɔra Yahudiyanu barɛ luyi ma tun ka a fɔ anu ye ko, “Ndeta miriya, kei kɛ ma ko-yogoma fenfen kɛ!

Kɛwɔlɛnu 25:25

Kɔnɔ nde ma ko-wo-ko yen a si faga minna ko la, ado ale nyɛrɛ fanan ko fɔ a ni Romu nyamanɛ kun-tigi-ba yen. Woletɔ n ya a lata-koe latɛgɛ Romu.

Kɛwɔlɛnu 3:13

Iburayimata Alla anubɛ Isiyakatɛ anubɛ Yakobatɛ, ma benbanuta Alla, kɔni, wole ara ala wɔli-kɛlɛ Yisa gbiliya. Wo le ya ale Yisa wo don sɛnbɛ-tiginu bolo. Wo ya wo ban a la Pailɛti yakɔrɔ, ado Pailɛti ya a latɛgɛ ko a ni a boloka tumɛ min, wo ma sɔn.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

1 Pita 2:22

A ma hakɛ-wo-hakɛ kɛ! A ma foninya-wo-foninya fɔ mumɛ!

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,