Luka 23:2 - ALLALA KUMƐ

² Anu ya a maburɛ dabira. Anu ko, “Ma ya kei kɛ bira bawo a ye mala mɔgɛnu nasamala. A ye a fɔla anu ye ko anu kana duti di Romu kun-tigi-wɛ ma. A ko ale nyɛrɛ le Allata-Mɔgɔ-Yabɔnɛ la, mansɛ, kɔni.”

Luka 23:2 Iomraidhean Croise

1 Mansɛnu 18:17

Ale Mansa Ehabu ya Nɛbi Ilaya yen tumɛ min, a ya a fɔ a ye ko, “N bara i yen. Ile kalabante ka tenbi Isirɛla mɔgɛ bɛɛ la.”

Yaburi 35:11

Foninya-fɔlɛnu ya karamɛ layɛlɛ n ma. Anu ya a fɔ ko nde ara koe do ma, ado n sa wo kalama.

Yaburi 62:4

Wole, a yogenu bi nyɔ dɔrɔn ka a mankan layigi. Foninyɛ di wo ye. Hali wo ye duwala kɔnɔ wo ye dankali-kɛla wo yisi rɔ.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 38:4

Mɔgɔ-ba wonu tara a fɔ mansɛ ye ko, “Fɔ kei kɛ wa faga. Masiba-kuma-fɔɛ kɛ si a ma, kɛlɛ-dannu anubɛ a mɔgɛ toenu yigi ni tɛgɛ! A darɔ-sigi-kunya le wo la soe kɛ burɔ tolon! A sa mɔgɛnu dɛnbɛna fɔ ka anu kɔntɔ-gboya.”

Emɔsi 7:10

Saraka-Masɔla-Kun-Tigi-Wɛ Hamasa min bi Bɛtɛli soe burɔ, wo ya Nɛbi Emɔsi pɛpɛ don Mansa Yɛrabowami na. A ya a fɔ ko, “Emɔsi kɛ ye a da tankala ile Mansɛ anubɛ Isirɛla mɔgɛnu na. A ye kumɛ minnu fɔla, wo si a ma, Isirɛla nyamanɛ ni tinya pɔ!

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.

Matiyu 17:27

Kɔnɔ ma sa a fɛ ka mɔgɛ kɛnu nasama. Woletɔ i ni ta dalɛ rɔ ka lunyɛ fili. Yɛgɛ fɔlɔtɛ min ba a bira, i ni wo labɔ. I si wodi yen a dɛ rɔ min si ma nta duti-sarɛ la anubɛ itɛ. Ta ka mala duti sara a la.”

Matiyu 22:21

Anu ya a yabi ko, “Romu nyamanɛ kun-tigi-ba.” Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.”

Matiyu 27:11

Yisa sɔra Romu kun-tigi Pailɛti yakɔrɔ. Wo ya Yisa manyinika ko, “Yahudiyanuna mansɛ le ile la, wa?” Yisa ya a yabi ko, “Ɔn, a ye iko i wara a fɔ nya min.”

Maraka 12:17

Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.” Anu kawara a ma bɛrɛkɛ!

Maraka 15:2

Pailɛti ya a manyinika ko, “Yahudiyanuna mansɛ le ile la, wa?” Yisa ya a yabi ko, “Ɔn, a ye iko i wara a fɔ nya min.”

Luka 23:14

ka a fɔ anu ye ko, “Wo nara kei kɛ la n bara bawo wo ko a ye mɔgɛnu nasamala nun. Nba, n bara a fɛsɛfɛsɛ wo yala yan. Wo ya a maburi ko-yogomɛ minnu na, n ma a sɔn yen hali!

Luka 23:5

Anu ya anu taya bɛrɛkɛ! Anu ko, “A wulita mɔgɛnu namurutiyala ala karan fɛ Yudiya nyamanɛ bɛɛ rɔ. A ya wo dabira Kalili, ado a ara na yan de gbɛ!”

Yɔni 18:29

Nba, Romu-Kun-Tigi-Wɛ Pailɛti bɔra luyi ma ka anu manyinika ko, “Kei kɛ ya tɔn nyuman tinya wo yala?”

Yɔni 18:30

Anu ya a yabi ko, “Ni kei kɛ ma ko-yogomɛ kɛ nun, ma ti na a la i wara nun.”

Yɔni 19:12

Pailɛti ya kɛ lamɔɛn tumɛ min, Yisa boloka-sɔgɛ ya a bira kɔnɔ Yahudiyanu ya a lasɔnkɔ tun ko, “Ni i ya a boloka, Romu-nyamanita-mansa-wɛ diyana-mɔgɔ ma i la hali, ado ni min bi a nyɛrɛ mala mansɛ la, kun-tigi wo yoge le wo la, yɔ!”

Kɛwɔlɛnu 24:13

Anu bi n maburila koe minnu na kaka, anu ti ke wonu yirala i ye tonyɛ la hali!

Kɛwɔlɛnu 24:5

Ma ya kei kɛ lɔn mɔgɔ-tɔrɔla-wɛ la. A ye murutiyɛ kɛla Yahudiyanu tɛma duninya fan bɛɛ. Nasarɛti kɛ ya dina min nafɔlɔ, ale le ye wo kun-tigiyɛ la.

Romu 13:7

Ni yili ye minnu na, anu ni anu sara. Wo ni wola duti bɛɛ sara fanan. Wo ni mɔgɛnu gbiliya iko a bɛnta, wo ni anu gbiliya nya min.