12 Kɔnɔ yanni koe kɛ bɛɛ ni ma, anu si wo bira ka wo bɛnsɛnkɔninya. Anu si wo ladon Yahudiya-dina-bɔnnu na ka wo kiti ka wo mara. Anu si ta wo la mansɛnu anubɛ kun-tiginu bara ndela ko la.
N bara min fɔ wo ye, wo ni wo yili to wo ko. N ko yɔɔn-wo-yɔɔn sa nyɔ min tenbira a tigi la. Ni anu ya a lagbɛlɛya nde kuma, anu si a lagbɛlɛya wole fanan kuma. Ni anu ya nta kumɛ bira nun, anu si wole fananta kumɛ bira.
Yahudiyanu ya Pɔli maburi minna ko la, kun-tigi-ba wo ye a fɛ ka wo lɔn, yɔ! Woletɔ wo banda kɛ, a ya yɔlɔkɛnu bɔ Pɔli ma. A ya a fɔ saraka-masɔla-wɛnu ye ko anubɛ anuna kun-tigi dama ni na ladɛn kɛ. Wo kɔma, a tara Pɔli la anu yakɔrɔ.
Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.