Luka 2:9 - ALLALA KUMƐ

⁹ Marita melika bɔra gbɛ rɔ anu ye. Marita waan malanta anu kuma. Anu kilanta kati!

Luka 2:9 Iomraidhean Croise

Bɔ-Koe-Iyipiti 16:10

Aruna ya kumɛ dabira anu ye tumɛ min, anu ya anu yɛ lata wula-yan la. Tiriyante wo rɔ, anu ya Marita wan-belebele yen banda-finyɛ rɔ.

Bɔ-Koe-Iyipiti 16:7

bawo Mari ara wo gbunya-kan lamɔɛn. Bandɛ wa ka sina, wo si ata gbiliyɛ yen wo nyɛrɛ yɛ la. Nfenna wo ye kɔrɔtɔla male ma Allata kumɛ latenbi koe la wo ma?”

Aiseya 35:2

Wulɛ wo si sigi sa ka sarandɛ ratii sewɛ bolo. Nyɔ si kinya iko Lɛbanan kɔnkɛnu. A dugi si kinya iko Kamɛli kɔnkɛ anubɛ Sarɔn lɛɛ ye nya min. Mɔgɛ bɛɛ si Marita fanka anubɛ ata gbiliyɛ yen nyɔ.

Aiseya 40:5

Wo bɛɛ wa ka-a-la, Marita gbiliyɛ ni na to bɔla gbɛ rɔ, ado hadama-dan bɛɛ si kɛ rayen. Mari nyɛrɛ-nyɛrɛ le wara kɛ fɔ.”

Aiseya 60:1

Ile Yerusalɛm, i lasɔ, i silɛɛ ni tii i ma iko tele. Marita gbiliyɛ ye malanna i kuma.

Isikiyɛli 3:23

Woletɔ n tara lɛɛ rɔ. N ya Marita wan-belebele yen ko-rayirɛ rɔ nyɔ fanan iko n ya a yen Kiba bɛ dafɛ nya min. N ya n naburun a ma dugu ma tun

Matiyu 1:20

Nba, Yusufu ye a mirila koe kɛ ma tumɛ min, Marita melika bɔra a ye gbɛ rɔ kiyo rɔ. A ko, “Yusufu, Dawuda bɔnsɔn, i kana kilan Mariyama bi-koe la ka a ma ila musi la. A ara buyi min bi wo la, Allala Ni-Sɛnimɛ kɛwɔlɛ le wo la.

Luka 1:28

Melika nara a wara ka a fɔ a ye ko, “I yisi sa! Mari ye i fɛ. A ara ata duwɛ layigi i kuma!”

Luka 2:8

Dan wo sɔrɔn suyi rɔ, saga-fɛ-biralɛ donu bi nyamanɛ wo rɔ minnu bi kila binyɛ rɔ anuna sagɛnu kandan tinɛ.

Luka 24:4

Anu kɔndɔfilinɛ sɔra nyɔ kɛla ko la. Tiriyante wo rɔ, kei kura-gbɛ-tigi filɛ minna kurɛnu bi malan-malanna anu ma, wonu sɔra anu dafɛ.

Yɔni 12:41

Nɛbi Aiseya ya kɛ sɛbɛ bawo Alla ya Yisala gbiliyɛ yira a la nun ka ala koe sɛbɛ.

Kɛwɔlɛnu 12:7

Tiriyante wo rɔ, Marita melika sɔra nyɔ. Waan rakara yele-bɔn la. Melika ya Pita magbesi a kanban-kunyɛ ma ka a lakunden. A ko, “I lasɔ tiriya!” Tiriyante wo rɔ, yɔlɔkɛnu buira ka bɔ a bolenu na.

Kɛwɔlɛnu 27:23

N bi Alla min bolo, n bi wo le batola. Wola melika nara n bara su-tenbinɛ.

Kɛwɔlɛnu 5:19

Kɔnɔ suyi wo rɔ, Marita melika ya yele wo dɛ laka ka kilayɛnu nabɔ. A ya a fɔ anu ye ko,

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Hiburunu 12:21

Anu ya min tayen kɔnkɛ wo kuma, wo ya a ma, anu kilanta kati! Hali Musa nyɛrɛ ko, “N fɛrɛ bɛɛ ye yɛrɛyɛrɛnna kilan bolo!”

Lankɛnimayɛ 18:1

Wo kɔma, n ya melika-yigimatoe yen bɔla Arinyɛni tɔ, sarati ye min bolo dɔgɔma-ma-de! Waan rakara dugu-kole kuma ata gbiliyɛ bolo.

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.