Luka 2:51 - ALLALA KUMƐ

⁵¹ Wo kɔma, Yisa sɛgira anu fɛ Nasarɛti soe burɔ. A tora nyɔ ka anuna kumɛ bira. A na ya koe kɛ bɛɛ lamara a yisi rɔ.

Luka 2:51 Iomraidhean Croise

Ko-Dabirɛnu 37:11

A na-kelen-nyɔgɛnu ya a kɔn kɔnɔ a fa ya a hɛnkili to ala kiyo wo ko.

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Daniyɛli 7:28

“N ya koe min bɛɛsi yen nna kiyo rɔ, wo le kɛ la. N kilanta furr, ha n mɔlɔkɔnta kɔnɔ n ya a bira n tɔ.”

Matiyu 12:46

Yisa ye kumala mɔgɛnu ye tumɛ min, a na anubɛ a dɔgɛnu nara. Anu sɔra luyi ma ka nyinikali kɛ ko a yen-sɔgɛ ye anu na.

Matiyu 3:15

Kɔnɔ Yisa ya a yabi ko, “A ni ma wo nya na bawo a bɛnnɛ, ma ni koe bɛɛ kɛ iko a di Alla ye nya min.” Wo le ya a ma, Yɔni sɔnta.

Maraka 1:9

A ma mɛ wo kɔma, Yisa nara ka bɔ Nasarɛti soe burɔ Kalili sigisɔn rɔ. A ke nyɔ, Yɔni ya a batasi Yorodan bɛ rɔ.

Maraka 6:3

Bon-tuwalɛ le ma kɛ la, Mariyamala dan, kɔni? Yemesi, Yusufu, Yudasi, anubɛ Saimon, a dɔgɔ-keminɛnu le wonu na. A dɔgɔ-musi bɛɛ siginɛ yan de!” Woletɔ a bɔrɔbɔnɛ anu bolo. Anu ma sɔn dɛnkɛninyala a ma.

Luka 18:37

Anu ya a yabi ko, “Yisa Nasarɛti kɛ le tenbi tinɛ.”

Luka 2:19

Mariyama ya a hɛnkili to koe wo bɛɛ ko ka a miri anu ma bɛrɛkɛ!

Luka 2:39

Mari Allala tɔn ya min bɛɛ fɔ, anu banta wo dama mala tumɛ min, anu sɛgira anu barɛ Kalili sigisɔn rɔ, Nasarɛti soe, kɔni.

Luka 4:16

Wo kɔma, Yisa tara Nasarɛti soe burɔ, a makolota kan min. Sulen-Tele ma, a wulita ka ta Yahudiya-dina-bɔn la iko a duruta a mala nya min. A ya a lasɔ alako a ni Allata kitabu karan anu ye.

Luka 4:23

Yisa ya a fɔ anu ye ko, “N lanɛ a la serr, ko wo si na tili kɛ tɛgɛ n ye ko, ‘Bɛsi-bɔlɛ, i nyɛrɛ lakɛndɛya.’ Wo si a fɔ n ye fanan ko, ‘Ma ya koe minnu namɔɛn i wara-koe rɔ Kapereniyam soe burɔ, i ni wonu ma i nyɛrɛta soe burɔ yan fanan.’

Ɛfɛsa 5:21

Wo ni sɔnnaya wo nyɔgɔn ye Kirasitita gbiliyɛla ko la.

1 Pita 2:21

Alla ya wo kele wo le ma. Kirasiti nyɛrɛ tɔrɔta wo ye ka misalɛ to wo bolo alako wo ni bila a kin-gbɛ fɛ.