Luka 2:32 - ALLALA KUMƐ

³² I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Luka 2:32 Iomraidhean Croise

Yaburi 85:9

I rabɛnnɛ i gbiliyalɛnu kisi-koe rɔ yati, alako ita gbiliyɛ kana dasa mala nyamanɛ rɔ.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 49:9

A ko a si yelela-mɔgɛnu bɔ yele la. Minnu namaranɛ pinpi rɔ, a si waan di wonu ma. Anu si ma iko sagɛ minnu bi anu de-nyinina kɔnkɛnu ma.

Aiseya 51:4

Mari ko wole, ala mɔgɛnu, wo ni wo tole masɔ. A ko a si ala karan di sibolo-gbɛrɛnu ma. Ala tɔnnu si a waan lana.

Aiseya 60:19

Wo mako ti taran teleta wan-takɛ la. Wo mako ti taran karɛta wan-takɛ la. Ni i ya a yen wo ye mala bawo Mari le ye ita waan la burubukai! Ale ita Allata gbiliyɛ si waan raka i ma.

Aiseya 9:2

Mɔgɛ minnu bi tagamana pinpi-fin-bɛ rɔ nun, wonu bara wan-takana-wɛ yen. Anu siginɛ pinpi-makilanni-bɛ rɔ nun kɔnɔ kaka, tele ara fɛrɛn anu ma.

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Matiyu 4:16

Minnu siginɛ pinpi-fin-bɛ rɔ, wonu si na wan-belebele yen. Minnu siginɛ pinpi-makilanni-bɛ rɔ, tele ara fɛrɛn anu ma!”

Luka 2:10

Melika ya a fɔ anu ye ko, “Wo kana kilan! N bara na kibara-nyimɛ la wo ye, min si ma sewa-belebele la mɔgɛ bɛɛ ye.

Kɛwɔlɛnu 26:23

Anu ko a fɛrɛ sa, fɔ ale Allata-Mɔgɔ-Yabɔnɛ ni tɔrɔ. Wo kɔma, a ni ma a mɔgɔ fɔlɔtɛ la min si wuli ka bɔ furinu tɛma. Anu ko a ni na waan la Yahudiyanu anubɛ sibolo-gbɛrɛnu ye.”

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

1 Kɔrɛnti 1:31

Iko a sɛbɛnɛ Allala kitabu rɔ nya min ko, “Ni min bi a nyɛrɛ matɔgɔla, Mari ara min kɛ a ye, a ni to wo le fɔla mɔgɛnu ye.”

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.