Luka 19:6 - ALLALA KUMƐ

⁶ Sakiyasi yigira tiriya ka Yisa labɛn sewa-ba la.

Luka 19:6 Iomraidhean Croise

Aiseya 64:5

Mɔgɛ min sewanɛ ko-telenni-kɛ la, i ye wonu dɛnbɛna. Minnu bi anu mirila ko anu ni ma iko i miriya ye anu ma nya min, i ye wonu fanan denkunna. Kɔnɔ i yisi kɔrɔtɔra ma ma bawo ma tora hakɛ kɛla nun, ado ita tɔn-tinyɛ ara ma ma kɛ-nya le la. Ma si kisi kama gbɛ?

Luka 19:5

Yisa kera nyɔ tumɛ min, a ya a yɛ layɛlɛ san ma ka a fɔ Sakiyasi ye ko, “Sakiyasi, yigi tiriya! N bi yiyala ila bɔn la bi.”

Luka 19:7

Min bɛɛ ya wo yen, wonu ya gbunyɛ dabira. Anu ko, “E, n bɔnu, kei kɛ ara ta yiya hakɛ-tigi warɛ!”

Luka 2:16

Nba, anu tara tiriya! Anu ya Mariyama anubɛ Yusufu taran, den-pulan sanɛ kolo-fannu de-nyini tinɛ.

Luka 5:29

Wo kɔma, Lifayi ya ladiya-wɛ ladan ala bɔn la Yisa ye. Duti-makelela siyaman anubɛ mɔgɔ-gbɛrɛ siyaman fanan sigira anu fɛ.

Kɛwɔlɛnu 16:15

Wobɛ ala bonna-mɔgɛ bɛɛ batasira. Wo kɔma, a nɔrɔta a fɔla ma ye ko, “Ni wo lara a la ko n bara dɛnkɛninya Mari Yisa ma, wo na yiya n barɛ.” A kirita ma ma ha ma sɔnta.

Kɛwɔlɛnu 16:34

A tara Pɔli anubɛ Sailasi la ala bɔn la ka dɔn-fan di anu ma. Ale anubɛ ala bonna-mɔgɛ bɛɛ sewara bawo anu bara dɛnkɛninya Alla ma.

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.