Luka 18:5 - ALLALA KUMƐ

⁵ kɔnɔ ka a tɛgɛ nyagbɛ kɛ bɛɛla ko ma kɛɛ-musi kɛ ye min dila n ma, n si n taya ka ala kumɛ fɔ. Ni wo ma, a si to nala tuma-wo-tuma ha n ni bandan.’ ”

Luka 18:5 Iomraidhean Croise

Nihɛmaya 6:4

Anu ya kilaya-su kɛ lana n ma gbaranda nani. Nde fanan ya anu yabilɛ lata anu ma wo nya na iko nani.

Matiyu 15:23

Kɔnɔ Yisa ma kuma a la. Yisala karan-dannu nara a wara ka a madiya. Anu ko, “Musi kɛ gbɛn ma fɛ! A bilanɛ ma fɛ sɔnkɔ-sɔnkɔla tolon!”

Luka 11:8

N bi a fɔla wo ye, hali a ma a lasɔ ka biredi di i ma ka a tɛgɛ wola diyanayɛ ma, i ma miliya ka to a manyinikala min kɛ, i makoe ye fan min na, a si a lasɔ ka wo bɛɛ di i ma.

Luka 18:3

Kɛɛ-musi do ye soe wo burɔ nun, wo tora tala a wara ka a madiya ko, ‘I ni n dɛnbɛ ko n ni yo sɔrɔn n kɛlɛ-nyɔgɛ kuma.’

Luka 18:39

Minnu bi nyama yarɔ, wonu nyɛɛra a ma ko a ni a made. Kɔnɔ a gbele-gbelenta tun bɛrɛkɛ! A ko, “N fa, Mansa Dawudala dan, kinikini n ma!”

1 Kɔrɛnti 9:27

N bi n nyɛrɛ fɛrɛ-bɔnkɛ ragbɛlɛyala ka n madegen feu! N bi wo mala alako n ba kawandili bɔ donu ye tumɛ min, tɔ-a-la, anu kana na ntɛ bɔ buri-kɛ ma.

Kɛlɛ-Kurugbɛnu 16:16

Tele-wo-tele, a ye kirinkonaya-kuma-kelan wo le fɔla Samsin ye. Musi wo ya a yakɔrɔ-mamɔ wola ko la ha a kɔndɔfilita.