Luka 17:1 - ALLALA KUMƐ

¹ Yisa ya a fɔ ala karan-dannu ye ko, “Koe minnu si mɔgɛnu nabui hakɛ rɔ, fɔ wonu ni ma. Kɔnɔ min si a ma, a ni bui, gbalo ye wo tigi kuma!

Luka 17:1 Iomraidhean Croise

Matiyu 16:23

Yisa ya a yɛ lamunun Pita la, a ko, “Ile, bɔ n fɛ. I ye Setanɛta kumɛ fɔ tinɛ wo la! Lagbaran-fan le ile la kilɛ la nde ye bawo ila miriya kɛ, mɔgɛnu miriya le wo la kɔnɔ Allata miriya ma wo la!”

Matiyu 18:7

Gbalo ye duninya ye bawo fan donu bi a rɔ minnu bi mɔgɛnu nasamala! Ko sifa wonu bi kɛla tuma-wo-tuma kɔnɔ minnu bi wo mala, gbalo-belebele ye wonu kuma!

Luka 16:31

Kɔnɔ Iburayima ko, ‘Ni anu ti anu tole masɔ Nɛbi Musa anubɛ nɛbi doinu na, hali ni mɔgɛ do wulita ka bɔ furinu tɛma ka ta anu makawandi, anu ti la a la.’ ”

Romu 14:13

Woletɔ ma ni fara ma nyɔgɔn tasɛla, ado wo ni a latɛgɛ ko wo kana ko-wo-ko ma min si wo na-kelen-nyɔgɔn kian latugu. Wo kana a ma, a ni bui hakɛ rɔ.

Romu 16:17

N na-kelen-nyɔgɛnu, n bi wo madiyala ko wo ni a ma wo fɛrɛma mɔgɛ wonuna ko la minnu bi dan-nafarɛ kɛla wo tɛma. Wonu bi mɔgɛnu nasamala ka anu bɔ anuna dɛnkɛninyɛ rɔ. Wo ara karan-bɛrɛ min sɔrɔn, anu bi wo tinyana. Wo ni wo masɛgi mɔgɛ wonu na feu,

1 Kɔrɛnti 10:32

Wo kana ma tɔrɔya-sebu la Yahudiyanu anubɛ sibolo-gbɛrɛnu ye, wo ta-nyɔgɛ dɛnkɛninya-mɔgɛnu, kɔni.

1 Kɔrɛnti 11:19

ado a fɛrɛ sa fɔ wo ni taran kan kelen tɔ alako minnu bi ko-latelennɛ kɛla Alla ye, wonu ni gbɛ wo tɛma.

1 Kɔrɛnti 8:13

Nba, ni dɔn-fan si a ma, n na-kelen-nyɔgɛ ni hakɛ kɛ, nde nyɛrɛ ti soge dɔn tun wo rɔ mumɛ! N kana n na-kelen-nyɔgɛnu nabui hakɛ rɔ.

1 Timoti 4:1

Allata Ni-Sɛnimɛ ya a gbɛ ko wati-laban kɛ kɔrɔ, mɔgɛ donu si dɛnkɛninyɛ boloka. Anu si foninya-karan bira min bi bɔla nyinɛnuna karan rɔ.

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.