Luka 16:3 - ALLALA KUMƐ

³ Ale kun-tigi ya a fɔ a nyɛrɛ ye ko, ‘N tigi ye n boloka tinɛ le kɛ la. N si nfen ma gbɛ? Sɛnɛ-sa-sɛnbɛ sa n bolo, ado n si miliya ka tarali kɛ.

Luka 16:3 Iomraidhean Croise

Ɛsita 6:6

Heman donnɛ, mansɛ ya a manyinika ko, “Mɔgɛ do ye n yala a bɛnta, n ni min gbiliya-belebele-wɛ kɛ. N si nfen ma wo tigi ye?” Heman ya a miri ko a ma bɛn, mɔgɔ-gbɛrɛkɛ ni gbiliya sufa wo sɔrɔn ni ale ma.

Hɛnkilimaya-Kumɛnu 13:4

Fan-sɔgɛ ya tinya-mansɛ bira nya-wo-nya, a ti a sɔrɔn kɔnɔ sɛbɛ-donnɛ nyinita fenfen ma, a si wo sɔrɔn.

Hɛnkilimaya-Kumɛnu 15:19

Tinya-mansɛ ye tala kila-wo-kila fɛ, a si a fɔ ko wɔnɛnu bi kilɛ wo la kɔnɔ mɔgɔ-latelennɛ ye tala kan-bo-kan, wola kilɛ lakani de a yala fagba!

Hɛnkilimaya-Kumɛnu 18:9

Mɔgɛ min ti wɔlɛ kɛ a kin na, wonubɛ kasarante rakɛn de!

Hɛnkilimaya-Kumɛnu 19:15

Tinya-mansɛ si to sani bɔn la, kɔnkɛ ye a fisikanna.

Hɛnkilimaya-Kumɛnu 20:4

Wɔli-kɛ-wati wa ke, tinya-mansɛ ti sɔn wɔlila, ado dɔn-fen-tɛgɛ-wati wa ke, a ti fenfen sɔrɔn.

Hɛnkilimaya-Kumɛnu 29:21

Mɔgɔla yɔɔn-pose tenbi, ni i yɛgɛ-yɛgɛra a kɔrɔ, tɔ-a-la, i ti ke a nɔla tun.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Hoseya 9:5

Ladiya-wati wa ke Mari ye, wo si nfen ma wo rɔ gbɛ?

Matiyu 20:8

“Wura dɛ la, sɛni-tigi ya a fɔ ala wɔli kun-tigi ye ko, ‘Wɔli-kɛlɛnu kele ka anu sara. I ni a dabira a labannu ma ka a laban a fɔlɔtɛnu ma.’

Maraka 10:46

Anu tara Yɛrikɔ soe burɔ. Yisa anubɛ ala karan-dannu anubɛ nyama-ba ye bɔla Yɛrikɔ tumɛ min, Timeyala dan min tɔgɛ Batameyasi, wo siginɛ kilɛ fɛ. Fiyɔn le ale la. A ye tarali kɛla.

Luka 12:17

A wulita a mirila a nyɛrɛ ma ko, ‘Dinkira sa n bolo n si nna ki-fan bɛɛ lamara kan min. N si nfen ma?’

Luka 16:2

A ya a kele bɔn la ka a manyinika ko, ‘N bara min namɔɛn ila ko rɔ kɛ la, wo ye kama? N ya nɔnfuli yirika min don i bolo, i ni dantɛgɛ-kɛdi di n ma bawo ile ti ma kun-tigi la n ye tun!’

Luka 16:20

Bolo-kolɔn do ye nyɔ fanan nun, a tɔgɛ Lasarasi. Tɛlɛ ye a fɛrɛ mumɛ bɛɛ ma. Anu si na a la nɔnfulu-tigila bonda-dɛ la tuma-wo-tuma,

Luka 16:22

“Bolo-kolɔn wo fagara. Melikanu tara a la Iburayima tɔgɔfɛ Arinyɛni tɔ. Nɔnfulu-tigi fanan fagara. Anu ya a togon.

Luka 16:4

N bi min mala, n bara wo lɔn de gbɛ! A wa n boloka wɔlɛ la tumɛ min, n si n diyana-mɔgɛnu sɔrɔn minnu si n tabira anu barɛ.’

Luka 18:4

A mɛra, kiti-tɛgɛlɛ ma sɔn kɔnɔ tɔ-a-la, a ya a fɔ a nyɛrɛ ma ko, ‘Hali n kilanni ma Allatala la, ado mɔgɔ bɔrɔ sa n ye

Yɔni 9:8

A sigi-nyɔgɛnu anubɛ minnu ya a yen tarali kɛla nun, wonu ya nyinikali kɛ ko, “Fiyɔn wo le ma kɛ la min bi sigila nun tarali kɛla?”

Kɛwɔlɛnu 3:2

Kei do ye nyɔ min namarayanɛ kebi a sɔrɔnta. Tele-wo-tele, anu si ta a la Alla-Bato-Bɔn tenbi-bolɔn wo la min tɔgɛ ko, “Da-Kinyanɛ.” Minnu bi donna Alla-Bato-Bɔn la, a kɛnɛna wonu matarala wodi ma.

Kɛwɔlɛnu 9:6

Kɔnɔ i lasɔ. I ni ta soe. I ye nala min mala gbɛ, mɔgɛ do si na wo fɔ i ye nyɔ.”

2 Tɛsalonaika 3:11

Ma ye kɛ fɔla wo ye bawo ma ara a lamɔɛn ko mɔgɛ donu bi wo tɛma minnu bi tinya-mansayɛ la, ado wɔli-wo-wɔli sa anu bolo fɔ nafigiyɛ.