Luka 15:5 - ALLALA KUMƐ

⁵ A wa a yen tumɛ min, a si sewa ka a sigi a kan ma

Luka 15:5 Iomraidhean Croise

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Isikiyɛli 18:23

Wole miri ko karagbɛlɛ wa faga, wo di nde, wo Tigi Mari ye, wa? Ade. A di n ye le, a ni ko-yogoma-kɛ boloka alako a ni to a niyi la.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Luka 15:32

Kɔnɔ a bɛnta ma sewanɛ ni ladiyɛ kɛ bawo i dɔgɔ faganɛ le nun kɔnɔ kaka, a ye a niyi la. A tonɛ-a-rɔ nun kɔnɔ kaka, ma ara a yen tun.’ ”

Luka 15:4

“Saga kɛmɛ ye wole min bolo, ni wo kelen tora-a-rɔ, saga-tigi si nfen ma? A si saga bi-kɔnɔntɔ ani kɔnɔntɛ wonu to gbɛkole ma ka ta saga-tununɛ wo nyini ha a ni a yen.

Luka 15:6

ka sɛgi a la a warɛ tun. Ni a kera nyɔ, a si a diyana-mɔgɛnu anubɛ a sigi-nyɔgɛnu nadɛn anu nyɔgɔn fɛ ka a fɔ anu ye ko, ‘Wo na, ma ni sewa ma nyɔgɔn fɛ bawo nna saga min tora-a-rɔ, n bara a yen!’

Luka 19:9

Yisa ya a fɔ a ye ko, “Kisi-koe ara ke bɔn kɛ la bi, ado Iburayima-bɔnsɔn-bɛrɛ le kei kɛ la ala dɛnkɛninyɛ fɛ.

Luka 23:43

Yisa ya a fɔ a ye ko, “Wo ni wo hɛnkili to kɛ ko! Bi, i si ke kan-tina-ladiyanɛ rɔ nde fɛ.”

Yɔni 15:11

“N bara kɛ fɔ wo ye alako mala sewɛ da-ni-fa ma nyɔgɔn fɛ.

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Ɛfɛsa 3:7

Alla ara n ma ata wɔli-kɛla-yabɔnɛ la ata sɛnbɛ fɛ. Wɔlɛ wo mara nta sanbɛ la Alla bolo. Ale le ya wo di n ma.

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.

2 Timoti 2:26

Wo kɔma, anu si hɛnkili sɔrɔn alako anu ni bɔ Setanɛta gbɛrɛ la nya min. Bawo Setanɛ ara anu bira ko anu ni ale sako kɛ.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

1 Pita 1:5

Wotɛ le duwɛ wonu na, wole minnu maranɛ Allala sɛnbɛ baraka rɔ dɛnkɛninyɛ fɛ, kɔni. Ma ye kisi-koe min makɔnɔna, wo la si bɔ wo ye gbɛ rɔ wati-laban-tumɛ.