Luka 13:19 - ALLALA KUMƐ

¹⁹ A mani de iko kende-kole mɔgɛ si min fui ala sɛnɛ rɔ. A si koloya ka ma fui-fan-belebele la. Konanu si anu nyagannu kiri a tɔnsɔnnu na.”

Luka 13:19 Iomraidhean Croise

Keninteya-Siginu 4:12

I manɛ iko sansan mininɛ nakɔɛ min ma nna ko la, ado n halala-tenke le ile la nyɔ.

Keninteya-Siginu 4:16

Fɔnyɔ, bɔ nna nako-suma-diyamɛ kɛ rɔ. Anu sumɛ ra ni tii pu! Nna kei ni na ala nakɔɛ rɔ. A ni ala kɔn-gbɔ-diyamɛ diya bɔ.

Keninteya-Siginu 6:2

N keninte ye ala nakɔɛ rɔ kɔlɔma-suma-diyamɛnu bi kan min. A ye ala nakɔɛ wo diya bɔla ka baga-ferenu madɛn.

Keninteya-Siginu 8:13

N keninte, n ni i kuman-kan lamɔɛn nakɔɛ burɔ. N ta-nyɔgɛnu bi i kuman-kan lamɔɛn-koe rɔ.

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 58:11

Mari si to sɔla wo yarɔ. Wo ye nyinina min ma, a si wo wasa maka wonu na. A si wo kolo gbɛlɛya fanan. Wo si ma iko yi ye sundi min kɔrɔ. Wo si ma iko tenke-gbalabɛlɛ.

Aiseya 61:11

Iko dugi ye ki-fannu nafɛrɛnna nya min sundi rɔ, Mari si a ma, telenbagayɛ anubɛ tantolɛ ni fɛrɛn sibolenu ya la wo nya na le.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Isikiyɛli 31:6

Kona-su bɛɛ ya a nyagan kiri a la. Sogenu kɛnɛna wolonna a ninɛ la. Duninya sibole bɛɛ kɛnɛna sigila a ninɛ kɔrɔ.

Daniyɛli 4:12

A yanba-kunyɛnu kin, ado a gbɔnɛ yesekere! Duninya-mɔgɛ bɛɛ si a gbɔɛ wo dɔn, a ti ban. Sogo-siyaman si anu sa a ninɛ la. Konanu bara anu nyagannu sa a tangbɛnu tɔ, ado nima-fen-su-siyaman bi a gbɔɛ wo dɔnna.

Daniyɛli 4:21

A yanba-kunyɛnu kinyanɛ, a gbɔnɛ yesekere, ado duninya-mɔgɛ bɛɛ si a gbɔɛ wo dɔn, a ti ban. Sogenu sanɛ a kɔrɔ, ado konanu nyagan sanɛ a tangbɛnu tɔ.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Matiyu 17:20

Yisa ya anu yabi ko, “Wo mara le bawo wola dɛnkɛninyɛ ma kolo. Wo ni wo hɛnkili to kɛ ko! Ni dɛnkɛninyɛ ye wo bolo min kolo ka ke foni-kole rɔ, wo si ke a fɔla kɔnkɛ kɛ ma ko, ‘Bɔ yan ka ta pan!’ A si ta, ado wo si ke koe bɛɛ kɛla dɛnkɛninyɛ fɛ! [

Maraka 4:30

Yisa ya a fɔ tun ko, “Ma si Allala mansayɛ sanka nfen ma? N ni tili do tɛgɛ wo ye min si a faranfasi.

Luka 17:6

Mari ya anu yabi ko, “Ni wola dɛnkɛninyɛ koloyara ka ke foni-kole rɔ, wo si a fɔ toro-kuri kɛ ye ko, ‘I nyɛrɛ wurun dugi rɔ ka ta i sɔ tungban tɛma!’ A si ila kumɛ bira.

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Kɛwɔlɛnu 21:20

Anu ya wo lamɔɛn tumɛ min, anu dama ya Alla tanto. Anu ya a fɔ Pɔli ye ko, “Ma na-kelen-nyɔgɛ Pɔli, Yahudiya mɔgɔ waga siyaman bara dɛnkɛninya nya min, ma ara a yen worɔ ko Musata tɔn-bira-sɔgɛ ye anu dama la.

Kɛwɔlɛnu 4:4

Kɔnɔ minnu ya anuna makawandili-kumɛ wo lamɔɛn, wo siyaman dɛnkɛninyara, ado anu damasi lakofunɛ mara a keima waga loli nyɔgɔn (5,000) na.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”