Luka 12:7 - ALLALA KUMƐ

⁷ Hali wo kun-sigi dannɛ kelen-kelanyɛ ma Alla bolo. Woletɔ wo kana kilan. Wo tenbira serelan siyaman na!

Luka 12:7 Iomraidhean Croise

2 Samuwɛli 14:11

A ya a fɔ mansɛ ye tun ko, “N tigi, i yandi, ita Mari Alla madiya n ye alako n na-kelen-nyɔgɛ min bi nna dan doi tayili-sara-koe rɔ a na-kelen-nyɔgɛ la ka a faga, wo kana bɔnɛ lakoloya ka tenbi a fɔlɔtɛ la.” Mansa Dawuda ya a fɔ a ye ko, “A ye mabɛ Alla tɛma, yanba-gbalɛ ti yalan ila dan wo ma muk!”

Yobu 35:11

Alla min bi hɛnkili dila mɔgɔ ma, anu ti anu ya-lamunun wo la, ado a kɛnɛna hɛnkili dila mɔgɔ ma ka tenbi soge anubɛ konanu na.

Yaburi 8:6

I ya fan min bɛɛsi ladan, i ya hadama-dan ma wonu kun-tigi la,

Matiyu 12:12

Ado nfan, mɔgɔni-gbuyi tenbira sagɛ la pirr! Woletɔ mala tɔn sɔnnɛ ko ma ni mɔgɛ dɛnbɛ Sulen-Tele ma.”

Matiyu 6:26

Wo ni konanu mafɛlɛn. Anu ti sugi fui. Anu ti a tɛgɛ. Anu ti a sa birɛ la. Kɔnɔ wo Fa min bi Arinyɛni tɔ, wo le ye anu dama kandanna! Wole ma tenbi konanu na, wa?

Luka 21:18

kɔnɔ hali wo, wo kun-sigi kelen bɛrɛn ti to-a-rɔ.

Kɛwɔlɛnu 27:34

Woletɔ n bi wo madiyala, wo yandi, wo ni fen dɔn. Wo makoe ye wo la wo niyila ko la. Ni wo ya fen dɔn, wo fenfen ti to-a-rɔ.”

1 Samuwɛli 14:45

Kɔnɔ kɛlɛ-dannu ya a fɔ Mansa Sɔli ye ko, “A kin Yonatan kɛ ni faga min bara male Isirɛla kunka, wa? Ade! Wo fɛ yan! Ma ara ma keli Mari la, hali Yonatan kɛ kun-sigi kelan ti wurun. Yonatan kɛ ya koe min ma male Isirɛla mɔgɛnu ye bi, a ya wo ma le bawo Alla le ya a dɛnbɛ.” Anu ya Yonatan latanka sayɛ ma.