Luka 12:4 - ALLALA KUMƐ

⁴ “N diyana-mɔgɛnu, n bi a fɔla wo ye, minnu si fɛrɛ-bɔnkɛ kɛ faga dɔrɔn ka dan wo ma, wo kana kilan wonu na.

Luka 12:4 Iomraidhean Croise

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Keninteya-Siginu 5:16

A da-gbole-masusun di. A wara-koe ara sɔ n yɛ la. Wole Yerusalɛm musinu, nna kei ye ka le.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Yɛrɛmaya 1:8

A ko n kana kilan mɔgɔ-wo-mɔgɔ la bawo a ye n fɛ. A si n nakanan. Ale Mari kan le.

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Yɔni 15:13

Mɔgɔ wa faga a diyana-mɔgɛnuna ko la, keninteyɛ ti koloya wo ko.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

Filipai 1:28

Wo kana kilan wo yogenu na mumɛ! Wo si a yira anu na ko anu si na halaki kɔnɔ wole si kisi bawo Alla le ye nɔlɛ dila wo ma!

Yemesi 2:23

Allala kitabu ya min fɔ, wo mara tonyɛ la worɔ. A ko, “Iburayima dɛnkɛninyara Alla ma, ado ala dɛnkɛninyɛ wo fɛ, Alla ya a rabira iko mɔgɔ-latelennɛ.” Alla ya a kele ko, “N diyana-mɔgɛ, Iburayima.”

1 Pita 3:14

Kɔnɔ hali wo tɔrɔta bawo wo ye ko-telennɛ kɛla, mɔgɔ-sewanɛ le wo la worɔ! Wo kana kilan mɔgɛnu na, ado wo kana hɔn anuna ko la.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.