Luka 12:1 - ALLALA KUMƐ

¹ Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la.

Luka 12:1 Iomraidhean Croise

2 Mansɛnu 7:17

Mansa-makandannɛ min ya a fɔ nun ko, “Hali Mari ya fui-fan bɛɛ layigi a nyɔgɔn fɛ, kɛ ti ma mumɛ!” Mɔgɛnu bara wuli tala Siriyanuna dagɛ rɔ tumɛ min, mansɛ ya ale mɔgɔ kelan le sigi tarɛ dɛ makandan tinɛ. Mɔgɛnu tugura tumɛ min ka daga warata-kilɛ bira, a buira mɔgɛnu kɔrɔ, ado anu tora tagamana a kuma ha a fagara. Iko Nɛbi Ilaisa ya a fɔ ale mansa-makandannɛ ye nya min ko a si dɔn-fan wonu yen a yɛ la kɔnɔ a ti fen dɔn a rɔ, a mara wo nya le.

Yobu 20:5

ado wati-kundu-ni de karagbɛlɛta sewɛ la.

Yobu 27:8

Alla tenbi niyi bɔla mɔgɔ fɛrɛ rɔ, yigi-nyamintan bi Alla-lɔnbɛlɛ bolo wo wati rɔ?

Yobu 36:13

Mɔgɛ minna ko sa Alla wara-koe rɔ, wonu bi tola yisi-magboyɛ le kun na. Hali anu ba tɔrɔyɛ sɔrɔn, anu ti Alla madiya.

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Luka 11:44

Gbalo ye wo kuma bawo wo mani de iko kanba-dogonnɛnu, mɔgɛnu si tagama min kuma, anu sa a kalama.”

Luka 12:56

Wole kolandinu! Wo wa dugu-kole anubɛ san-kole mafɛlɛn, wo si ke a lɔnna tele wo si ma nya min kɔnɔ nfenna wo ti ke wati kɛ kɔrɛ faranfasila?

Luka 5:1

Wati do rɔ, Yisa sɔnɛ Kɛnɛsarɛti dalɛ dala. Mɔgɛnu ya anu gbɛrɛn a ma alako anu ni Allala kumɛ lamɔɛn.

Luka 5:15

Hali wo, Yisa mankan nyɛnsɛnta kan tinɛ wo bɛɛ rɔ. Mɔgɔ siyaman nara ala kumɛ lamɔɛn tinɛ. Anu nara fanan alako anu si kɛndɛya nya min.

Luka 6:17

Yisa yigira ka bɔ kɔnkɛ wo kuma ala karan-dannu fɛ. Anubɛ ala karan-den siyaman sɔra lɛɛ do rɔ. Sɛrɛ-wɛ ye nyɔ. Anu bɔra Yudiya nyamanɛ kan bɛɛ anubɛ Yerusalɛm anubɛ Taya anubɛ Saidon soe minnu sɔnɛ kɔgɔ-yi dafɛ.

Kɛwɔlɛnu 21:20

Anu ya wo lamɔɛn tumɛ min, anu dama ya Alla tanto. Anu ya a fɔ Pɔli ye ko, “Ma na-kelen-nyɔgɛ Pɔli, Yahudiya mɔgɔ waga siyaman bara dɛnkɛninya nya min, ma ara a yen worɔ ko Musata tɔn-bira-sɔgɛ ye anu dama la.

1 Kɔrɛnti 15:3

N bara sarakanɛ min sɔrɔn, n bara wo latenbi wo ma, ado ko-belebele-wa le kɛ la ko Kirasiti fagara ma hakɛnuna ko la iko a sɛbɛnɛ Allala kitabu rɔ nya min.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

1 Pita 2:1

Woletɔ wo ni fara ko-yogomɛ bɛɛ la. Wo kana foninyɛ fɔ tun. Nyɛrɛmankolayɛ wo, keliyɛ wo, mɔɛn-kɛ wo, wo ni fara wonu na!