Luka 11:9 - ALLALA KUMƐ

⁹ “Woletɔ n bi a fɔla wo ye ko wo ni to tarali kɛla, wo si a sɔrɔn. To nyinini kɛla, wo si a yen. To dɛ matugula, a la si ka wo ye.

Luka 11:9 Iomraidhean Croise

Yaburi 118:5

N bi tɔrɔyɛ rɔ tumɛ min, n ya Mari rakele n dɛnbɛn-koe rɔ. A ya nna madiyalɛ yabi ka n kun nadiya.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 27:8

Mari, i ya a fɔ n ma wati min ko n ni i bato, n ma n kun tadu. N nara le.

Yaburi 34:10

Hali yarɛnu ta si faga kɔnkɛ bolo. Kɔnɔ minnu bi Marita tɔnnu birala, fenfen ti dasa wonu ma.

Yaburi 34:4

N ya Mari madiya, ado a ya nna madiyali-kan lamɔɛn. A ya n bɔ n takilan-koe bɛɛ rɔ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Keninteya-Siginu 5:6

Dɛla kɛ nna kei ye, n ma a yen. Yaga, a ara ta. A kuman-kan lamɔɛn-sɔgɛ ye n na. N ya n yɛ lakalan a ma kɔnɔ n ma a yen. N ya a rakele kɔnɔ a ma a labira.

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Yɛrɛmaya 29:12

A ko wo si a tɔgɔ ratɛgɛ wo tumɛ. Wo si na a wara ka a madiya, ado a ko a si a wɔlɔ matɔlɔ wo la.

Yɛrɛmaya 33:3

ni n ya a rakele, a si n denkun. A si kabana-koe donu takaran n ye, n ma min lɔn kɔrɔma la.

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Matiyu 21:22

Ni dɛnkɛninyɛ ye wo bolo, wo wa fenfen tara madiyalɛ rɔ, wo si wo sɔrɔn.”

Matiyu 21:31

“Nba, wo filɛ tɛma, yon ya a fa sako kɛ?” Anu ya a yabi ko, “A kinamɛ.” Yisa ya a fɔ anu ye ko, “Nba, wo ni wo hɛnkili to kɛ ko! Duti-makelelɛnu anubɛ yɛlannu si don Allala mansayɛ rɔ wo yarɔ.

Matiyu 6:29

Kɔnɔ n bi a fɔla wo ye ko, hali Silamɛni min mara bana la nun, a makiri-nya ma ke kɔn-fere kɛ kelen tɔ.

Maraka 11:24

Wola ko la, n bi kɛ fɔla wo ye. Wo wa madiyali kɛ ko dola ko la tumɛ min, wo ni la a la ko wo ara a sɔrɔn, a si kɛ wo ye.

Maraka 13:37

Nba, n bi min fɔla wo ye, n bi wo le fɔla bɛɛ ye. Wo yɛ-lakalannɛ ni to tolon!”

Luka 11:10

Min ba to tarali kɛla, wo si a sɔrɔn. Min ba to nyinini kɛla, wo si a yen. Min ba to dɛ matugula, a la si ka wo ye.

Yɔni 14:13

Wo wa nde tara fenfen ma n tɔgɛ rɔ, n si wo ma wo ye. Woletɔ n Fa Allala gbiliyɛ ma si yira nde, ala dan baraka rɔ.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 15:7

Ni wo tora nde rɔ, ado ni nna kumɛ sigira wo yisi rɔ, wo wa n tara ko-wo-ko la, wo si wo diyana-koe wo sɔrɔn.

Yɔni 4:10

Yisa ya a yabi ko, “Ni i ya Allata kɔ-fan lɔn nun anubɛ min bi i tarala yi ma, ile fɔlɔn si wo tara yi ma nun. A ni ni-bila-yi di i ma.”

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

2 Kɔrɛnti 6:2

Alla ya kɛ le fɔ, a ko, “A wati-latɛgɛnɛ le, n ya n tole masɔ i la. I kisi-tele kera lunyɛ min, n ya i dɛnbɛ.” Nba, Allata wati-latɛgɛnɛ le kɛ la! Kisi-tele le bi la!

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

Yemesi 5:15

Alla-matarɛ min kɛnɛ dɛnkɛninyɛ rɔ, wo si kirayatoe lakisi. Mari si a lakɛndɛya, ado a ara hakɛ minnu kɛ, wonu ma si koto.

1 Yɔni 3:22

Ma wa Alla manyinika min na, ma si wo sɔrɔn bawo ma ye ala tɔnnu birala ka a diyana-koenu ma.

Lankɛnimayɛ 2:24

“ ‘Kɔnɔ donu bi wole Tayataira chɔchi-mɔgɛnu tɛma minnu ma bila karan-yogomɛ kɛ fɛ. Mɔgɛnu bi min kelela ko, “Setanɛla gbundu-ko-wɛ,” wo ma wo karan. Nba, n ti dunu-gbɛrɛ sa wo kuma.