Luka 11:8 - ALLALA KUMƐ

⁸ N bi a fɔla wo ye, hali a ma a lasɔ ka biredi di i ma ka a tɛgɛ wola diyanayɛ ma, i ma miliya ka to a manyinikala min kɛ, i makoe ye fan min na, a si a lasɔ ka wo bɛɛ di i ma.

Luka 11:8 Iomraidhean Croise

Ko-Dabirɛnu 32:26

Kei wo ko, “N boloka kamasɔrɔn waan ra ye ka tinɛ le.” Kɔnɔ Yakoba ko, “N ti i boloka mumɛ, fɔ i wa duwa n ye.”

Luka 11:7

I diyana-mɔgɛ min bi bɔn wo la, ni wo ya i yabi ko, ‘I kana n tɔrɔ! N bara bɔn rasɔgɔ. Mabɛ nna dannu bara ma sa. N ti ke n nasɔla ka fen di i ma kaka.’

Romu 15:30

N na-kelen-nyɔgɛnu, ka a tɛgɛ mala dɛnkɛninyɛ ma ma Mari Yisa, Allata-Mɔgɔ-Yabɔnɛ ma anubɛ ata Ni-Sɛnimɛ ye keninteyɛ min dila ma ma, n bi wo madiyala ko wo ni wo raya n fɛ Alla madiya tinɛ nde ye.

2 Kɔrɛnti 12:8

N ya Mari madiya wola ko la kinyama sawa. N ko a ni fɛrɛta-dumɛ wo bɔ n tɔ

Kɔlɔsi 2:1

N bara wɔli-gbɛlɛmɛ min kɛ wobɛ Leyodisiya kɛnu ye, n ni wo lalɔn wo la. N bara tɔrɔ dɛnkɛninya-mɔgɛ donu ye minnu ma n yen bɛ.

Kɔlɔsi 4:12

Wo ta-nyɔgɛ Ɛpafarasi ye wo kɔndɔnna. Yisa Kirasitita wɔli-kɛlɛ le ale fanan na. A si a raya madiyalɛ ma wo ye tumɛ bɛɛ. A ye Alla matarala ko wo kanbalinɛ ni to sɔnɛ yiri, ka Alla sako bira koe bɛɛ rɔ.

Kɛlɛ-Kurugbɛnu 14:17

Tele wɔrɔnfilɛ wo toe min tonɛ, a tora Samsin yakɔrɔ-mamɔla diyi-kɛ la. A tele wɔrɔnfila nyɔgɛ wo ma, Samsin ya a kɔrɛ fɔ ala musu-nɛ ye bawo tuma-wo-tuma a ye a fɔla a ye diyi-kɛ la a bolo. Ala musu-nɛ wo tara tili wo kɔrɛ fɔ Filisitinu mɔgɔ bi-sawɛ wonu ye.

1 Samuwɛli 1:12

Hana mɛra madiyalɛ wo kun na a da kɔrɔ, Saraka-Masɔla-Kun-Tigi-Wɛ Ilayi ye a da-gbole yenna magala.