Luka 11:51 - ALLALA KUMƐ

⁵¹ Ka a dabira Ebɛlila sayɛ ma ha ka a sigi Sakarayala sayɛ la, ale min fagara saraka-bɔ-tinɛ anubɛ kan-tina-sɛnimɛ tɛma, kɔni. N bi a fɔla wo ye ko bi-mɔgɛnu si tɔrɔyɛ sɔrɔn wonu damala ko la terr!

Luka 11:51 Iomraidhean Croise

Ko-Dabirɛnu 4:2

Wo kɔma, a ya Ken wo tagbara-sɛ sɔrɔn. A ya den-kei wo fanan tɔgɔ sa Ebɛli. Saga-fɛ-biralɛ le wo la kɔnɔ Ken, sɛni-salɛ le wo la.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Sakaraya 1:1

Pasiya Mansa Dariyasila mansayɛ san fila nyɔgɛ, karɛ segin nyɔgɛ ma, Mari ya sarakanɛ kɛ don Bɛrɛkayala dan, nde, Nɛbi Sakaraya bolo, Idɔ mamanɛ, kɔni.

Matiyu 23:35

Mɔgɔ-magbalanɛ min bɛɛ fagara, wo si wonuna tɔrɔyɛ sɔrɔn. Ka a bi Ebɛlita sayɛ ma ale min magbalanɛ, kɔni, ha ka a sigi Bɛrɛkayala dan Sakarayata sayɛ la, wo si tɔrɔyɛ wo bɛɛ sɔrɔn, ado wo ya ale Sakaraya faga Alla-Bato-Bɔn anubɛ saraka-bɔ-tinɛ tɛma.

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

1 Yɔni 3:12

Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.