Luka 11:44 - ALLALA KUMƐ

⁴⁴ Gbalo ye wo kuma bawo wo mani de iko kanba-dogonnɛnu, mɔgɛnu si tagama min kuma, anu sa a kalama.”

Luka 11:44 Iomraidhean Croise

Yaburi 5:9

Tonya-kuma-wo-kuma sa n yoge wonu da rɔ, fɔ kasarɛ gbansan! Fenfen sa anu da rɔ fɔ yanfanteya-kuma-teleka-telekɛnu. Anuna darɔ-diya-kumɛ wonu si mɔgɛnu natuntun lakira.

Isikiyɛli 39:15

Wonu bi yigi-ni-yɛlɛ min na nyamanɛ wo rɔ, anu ba hadama-den-kole taran kan-bo-kan, anu si anu tamasere sa kole wo dafɛ alako kanba-sinnɛnu ba na anu nabɔ wo ma, anu ni ta a togon Kɔgila-Kɛlɛ-Dannuna Lɛɛ wo rɔ.

Hoseya 9:8

Alla ara n sɔ nɛbiyɛ la ka wole, Isirɛla mɔgɛnu makawandi. Kɔnɔ n tara kan-bo-kan, n bira-sɔgɛ ye wo la iko kona. Hali Mari Bato-Bɔn la, nɛbinu yoge le wole la.

Yilan-Yilan Koe 19:16

Wo kɔma, mɔgɔ-sɛninyanɛ si kɔlɔma wo bi ka a sɔ nde, Marita sɛninya-yi wo rɔ ka wo pusen fani-bɔn wo ma anubɛ mɔgɛ minnu bi bɔn wo burɔ anubɛ bonna-miran bɛɛsi. A tele wɔrɔnfila nyɔgɛ wo ma, mɔgɔ-sɛninyabɛlɛ wo si ala kurɛnu ku ka a bagbuyi fanan ku. Tele-kolo-wulan wati wa tenbi, a si sɛninya. “Ni mɔgɛ ya a bole tugu a hadama-den-nyɔgɛ furi do la hali min fagara a nyɛrɛ ma, ni wo ma, min fagara setanɛ bolo, wo tigi ma sɛninya. A hadama-den-kole wo, a kaburu-kɔrɛ wo, ni a bole tugura wo fenfen na, wo tigi fanan ma sɛninya tele wɔrɔnfila kɔrɔ. Mɔgɛ min sɛninyanɛ si nde, Marita yi-sɛnimɛ wo bi ka a pusen mɔgɔ-sɛninyabɛlɛ wo ma kɔlɔma la.

Matiyu 13:32

Hali a kole dɔgɔ fui-fannu tɛma, a koloyara tumɛ min, a kolo fui-fan bɛɛ ko. Konanu si na anu nyagannu kiri a la, ado a tɔnsɔn si koloya.”

Kɛwɔlɛnu 23:3

Pɔli ya a fɔ saraka-masɔla-kun-tigi-wɛ ye ko, “Ile nafigi, i manɛ iko dandan-magbɛnɛ. I sɔn ma kin, ado Alla si ile gbesi, yɔ! I siginɛ nyɔ nde kitila Nɛbi Musala tɔn rɔ kɔnɔ i ya a fɔ mɔgɛnu ye ko anu ni nde gbesi. I ya Allala tɔn le tinya wo la!”