Luka 11:2 - ALLALA KUMƐ

² Yisa ya a fɔ anu ye ko, “Wo si madiyali kɛ ka le ko, ‘Ma Fa Alla, i tɔgɛ ni sɛninya. Ila mansayɛ ni na ma kuma.

Luka 11:2 Iomraidhean Croise

1 Mansɛnu 8:43

i ni ala matarali-kan wo lamɔɛn san-kole rɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn worɔ ko n bara Bato-Bɔn min sɔ kɛ la, a bɛnta bɛɛ ni i bato nyɔ.

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

2 Ko-Kɔrɔta-Karan 20:6

A ya matarali-kɛ a kulu-mayɛlɛnɛ la, a ko, “E, ma benbanuta Mari Alla, ile Arinyɛnɛ anubɛ Duninyama-Mansɛ, i sɛnbɛ kolo. Mɔgɔ-wo-mɔgɔ ti a sɔ i kɛlɛ-koe la.

Yaburi 103:20

Wole melika-makawanɛnu, wo ni Mari tanto! Wo ye ala tɔnnu birala. A ye kumɛ min fɔla, wo ye wo tole masɔla wonu na.

Yaburi 108:5

E, Alla, a ma, ma ni ila kabana-koenu yen san-kole rɔ ka ita gbiliyɛ yen dugu-kole bɛɛ kuma.

Yaburi 11:4

Mari ye mansayɛ la ata Bato-Bon-sɛnimɛ la. A kolan ye mɔgɛ bɛɛ la. Anu bi min bɛɛ kun na, a ya wo bɛɛ lɔn.

Yaburi 57:11

E, Alla, a ma, ma ni ila kabana-koenu yen san-kole rɔ ka ita gbiliyɛ yen dugu-kole kuma.

Makawandili Kumɛnu 5:2

I miri yanni i ni kuma. Alla yili-madiya-kumɛ kana bɔ mɔgɔ da rɔ yona. Ale ye san-kole rɔ, male ye dugu-kole kuma, woletɔ i kana kuma-pɔrɔtɔ-paratɛ fɔ.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 7:18

Kɔnɔ tɔ-a-la, Alla Min Bi Fan Bɛɛ Kun Na, wola mɔgɔ-sɛnimɛnu si duninyama-kun-tigiyɛ sɔrɔn, ado wo ti bɔ anu bolo muk!’

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Saraka-Masɔlɛnuta Tɔnnu 22:23

“Ni min bi sarakɛ dila bawo a yisi-sewanɛ ye a burɔ, ni sarakɛ wo gbɛndɛnkɛlan le, wo ma yogo. Mari si sɔn de wo la. Ni a sɔgɛ ye min na, a ni ata lanyiri-kanbali-sarakɛ bɔ, a kana kɛ sufa kolo-fan di Mari ma.

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Matiyu 10:32

“Mɔgɔ-wo-mɔgɔ wa a sɔn a la gbɛ rɔ ko ntɛ le ale la, n si wo nyɔgɔn ma n Fa Alla yakɔrɔ min bi Arinyɛni tɔ.

Matiyu 3:2

Yɔni ye a fɔla mɔgɛnu ye nun ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Luka 11:1

Lunyɛ do, Yisa ye madiyali kɛla kan tinɛ do rɔ. A banta tumɛ min, ala karan-dan do ya a fɔ a ye ko, “Mari, ma si Alla madiya nya min, ma karan wo la iko Yɔni ya ala karan-dannu karan nya min.”

Romu 1:7

Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

1 Kɔrɛnti 1:3

Alamɛ ma Fa Alla anubɛ Mari Yisa, Allata-Mɔgɔ-Yabɔnɛ ya hinɛ anubɛ yisi-kimɛ di wo ma.

2 Kɔrɛnti 1:2

Alamɛ ma Fa Alla anubɛ Mari Yisa, Allata-Mɔgɔ-Yabɔnɛ ni hinɛ yira wo la ka yisi-kimɛ di wo ma.

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Ɛfɛsa 1:2

Ma Fa Alla anubɛ ma Mari Yisa, Allata-Mɔgɔ-Yabɔnɛ, kɔni, alamɛ wonu ya hinɛ anubɛ yisi-kimɛ di wo ma.

Filipai 1:2

Alamɛ ma Fa Alla anubɛ Mari Yisa, Allata-Mɔgɔ-Yabɔnɛ ya hinɛ yira wo la ka yisi-kimɛ di wo ma.

Filipai 4:20

Gbiliyɛ ni di ma Fa Alla ma habadan! Amina!

Kɔlɔsi 1:2

ka a lata wole, Allata mɔgɛnu ma Kɔlɔsi soe burɔ. Ma na-kelen-nyɔgɛ le wole la ka a tɛgɛ wola dɛnkɛninyɛ ma Kirasiti rɔ, ado lanaya-mɔgɛ le wole la fanan. Alamɛ ma Fa Alla hinara wo la ka yisi-kimɛ di wo ma.

1 Tɛsalonaika 1:1

Nde, Pɔli wo, Sailasi wo, anubɛ Timoti, male le ye kɛdi kɛ sɛbɛla wo ma. Ma ye kɛdi kɛ sɛbɛla dɛnkɛninya-mɔgɛnu ma minnu bi Tɛsalonaika soe burɔ. Ma Fa Alla anubɛ ma tigi Yisa Kirasitita mɔgɛ le wole la. Alamɛ Allata hinɛ anubɛ yisi-kimɛ tora wo fɛ.

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.