Luka 10:9 - ALLALA KUMƐ

⁹ Wo ni kirayatoenu dandan soe wonu tɔ. Wo ni a fɔ nyɔ-mɔgɛnu ye ko, ‘Allala mansayɛ ara gbɛrɛn wo ma.’

Luka 10:9 Iomraidhean Croise

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Matiyu 3:2

Yɔni ye a fɔla mɔgɛnu ye nun ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Matiyu 4:17

Ka a fɔlɔ tumɛ wo ma, Yisa ya kawandili-bɔɛ dabira ka a fɔ ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Maraka 4:30

Yisa ya a fɔ tun ko, “Ma si Allala mansayɛ sanka nfen ma? N ni tili do tɛgɛ wo ye min si a faranfasi.

Maraka 6:13

Anu ya nyina siyaman gben ka tuli kɛ kirayato siyaman ma anu kɛndɛya-koe la.

Luka 10:10

Kɔnɔ wo wa don soe minnu burɔ, ni anu ma wo rabira nyɔ, wo ni soe wonu tatagama ka a fɔ ko,

Luka 10:11

‘Ma ye ma kian ragbɔngbɔnna wo kan ma. Kɔnɔ wo ni wo hɛnkili to kɛ ko. Allala mansayɛ ara gbɛrɛn wo ma!’

Luka 9:2

A ya anu sɔ Allala mansaya-wara-ko-kawandili bɔ tinɛ anubɛ ka kiriyatoenu nakɛndɛya.

Yɔni 3:3

Yisa ya a yabi ko, “N bi tonyɛ fɔla i ye, ni mɔgɔ ma sɔrɔn a kurɛ la, a ti ke Allala mansayɛ yenna.”

Yɔni 3:5

Yisa ya a yabi ko, “N bi tonyɛ fɔla i ye, mɔgɔ-wo-mɔgɔ ti ke donna Allala mansayɛ rɔ, fɔ ni a sɔrɔnta yi anubɛ Allala Ni-Sɛnimɛ la.

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

Kɛwɔlɛnu 28:31

A ya Allala-mansayɛ-kawandili bɔ ka mɔgɛnu karan Mari Yisa, Allata-Mɔgɔ-Yabɔnɛla koe la. A kumara yisi-latɛgɛ bɛɛ rɔ. Mɔgɔ-wo-mɔgɔ ma a lakala.