Luka 10:16 - ALLALA KUMƐ

¹⁶ Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Luka 10:16 Iomraidhean Croise

Bɔ-Koe-Iyipiti 16:7

bawo Mari ara wo gbunya-kan lamɔɛn. Bandɛ wa ka sina, wo si ata gbiliyɛ yen wo nyɛrɛ yɛ la. Nfenna wo ye kɔrɔtɔla male ma Allata kumɛ latenbi koe la wo ma?”

Bɔ-Koe-Iyipiti 16:8

Musa ya a fɔ ko, “Wo si a lɔn ko Mari le ale la min si mɛya-fan di wo ma wura-wo-wura ka dɔn-fan di wo ma sɔgɔma-wo-sɔgɔma wo si minnu dɔn ka wasa. A ye wo mala bawo a ye wo gbunya-kan lamɔɛnna. Wo ye gbunya-kumɛ min fɔla male ma, wo sa a fɔla male ma, fɔ Mari.”

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Yilan-Yilan Koe 14:2

Anu bara gbunya Musa anubɛ Aruna kɔrɔ. Anu ko, “A fisa nun, hali ma tora fagala Iyipiti. Hali ma fagara wula-da-rakolɔn kɛ rɔ yan.

Yilan-Yilan Koe 16:11

Ni wo ya gbunya-kumɛ fɔ Aruna ma, wo ma a fɔ Aruna dɔrɔn ma de! Wo ya a fɔ Mari nyɛrɛ le ma ken!”

Matiyu 10:40

“Mɔgɔ-wo-mɔgɔ min ba wole, nta karan-dannu tabira, wo ara nde rabira. Nba, ni min ya nde rabira, a ara ale fanan tabira min ya n sɔ.

Matiyu 18:5

ado mɔgɛ min ba den sifa kɛ rabira n tɔgɔ rɔ, wo ara nde rabira.

Maraka 9:37

“Ni min ya dennɛ sifa kɛ rabira n tɔgɛ rɔ, wo ara nde rabira, ado ni min ya nde rabira, wo ara n sɔlɛ fanan tabira.”

Luka 9:48

A ya a fɔ anu ye ko, “Ni min ya dennɛ kɛ rabira n tɔgɛ rɔ, wo ara nde rabira, ado ni min ya nde rabira, wo ara n sɔlɛ fanan tabira. Min famayiginɛ wo dama ko wo tɛma, wo le kolo wo dama ko.”

Yɔni 12:44

Yisa kumara a kulu-mayɛlɛnɛ la ko, “Min ba dɛnkɛninya n ma, a ma dɛnkɛninya nde ma dɔrɔn, fɔ min ya n sɔ fanan.

Yɔni 12:48

Min ba a ban n na, ado a ma nna kumɛ bira, nna kumɛnu si ma kiti-tɛgɛlɛ la min si wo tigi yiliki. N bi kumɛ minnu fɔla, wonu denu si wo tigi yiliki tele-laban-lun!

Yɔni 13:20

“N bi tonyɛ fɔla wo ye, min ba nna kilayɛ rabira, wo ara nde fanan rabira. Min ba nde rabira, wo ara wo rabira min ya n sɔ.”

Kɛwɔlɛnu 5:4

Yanni i ni ila dugi feri, itɛ le nun. I banta a ferila tumɛ min, itɛ le wodi wo la nun. Kɔnɔ nfenna i ya a latɛgɛ i yisi rɔ ka kɛ ko sifa ma? I ma foninyɛ fɔ mɔgɛ ye. I ya foninyɛ fɔ Alla le ye!”

Kalesiya 4:14

Hali nna kirayɛ ye n tɔrɔla tumɛ min, wo gbɛlɛyara wo ma, ado wo ma a ma, wo ni wo ban n na ka n nafɛya. Wo ya n tabira iko wo si Allata melika rabira nya min. Wo ya n tabira iko wo si Yisa Kirasiti nyɛrɛ rabira nya min!

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.