Luka 10:14 - ALLALA KUMƐ

¹⁴ Kiti-tɛgɛ-lunyɛ, Alla si kinikini Taya anubɛ Saidon so-burɔ-mɔgɛnu ma ka tenbi wole la.

Luka 10:14 Iomraidhean Croise

Yowɛli 3:4

Mari ya Filisiti nyamanita-mɔgɛnu anubɛ Taya anubɛ Saidon so-burɔ-mɔgɛnu manyinika, ni anu bi min mala kɛ la, ni anu bi ale Mari tayili sara le la wo rɔ. Nba, ni wo le, ale Mari ko ale fanan si a tayili sara anu na tiriya!

Emɔsi 1:9

“Mari ko wole Taya kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma. Wo ya lanyiri min kiri wo nyɔgɔn tɛma, wole ma wo kan wo latɔnbagaya.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Matiyu 10:15

Wo ni wo hɛnkili to kɛ ko! Kiti-tɛgɛ-tele rɔ, Alla si kinikini Sɔdɔm anubɛ Kɔmɔra soe mɔgɛnu ma ka tenbi soe wo la!

Matiyu 11:21

A ko, “Ile Koresin so-burɔ-mɔgɛnu, gbalo ye wo kuma! Ile Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛ don anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Yɔni 3:19

Kiti ye kɛla ka le ko waan nara duninya rɔ kɔnɔ pinpi di mɔgɛnu ye waan ko bawo anu bi ko-yogomɛnu kɛla.

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

Romu 2:27

Wole Yahudiyanu, hali wo kemininyara, wo si miliya sibolo-gbɛrɛnu ye bawo wole ye Nɛbi Musata tɔn-kitabu tinyana, hali wo ye tɔn-kitabu wo kalama. Anu denu kemininyabɛlɛ kɔnɔ anu bi tɔn-kitabu wara-koe birala.