Luka 1:73 - ALLALA KUMƐ

⁷³ A ya lanyiri-ba kiri ma benba Iburayima ye

Luka 1:73 Iomraidhean Croise

Ko-Dabirɛnu 24:7

San-Kole-Mari-Alla min ya n nabɔ n fala bɔn la ka n nabɔ n sɔrɔn-nyamanɛ rɔ fanan, wo le ya lanyiri kɛ kiri n ye gben, ko a si nyamanɛ kɛ di n bɔnsɔn ma. Alla si ata melika sɔ i yarɔ alako i si musi sɔrɔn nna dan ye nyɔ nya min.

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

Yɛrɛmaya 11:5

A ko wo si a ma, ale fanan ni a waralɛ latɔnbagaya min kirinɛ ma benbanu ye. A si nyamani-hakikɛ di anu ma, ki-fannu si nanfa kan min kubukubu, ado ma ye nyɔ le kɛ la kaka. Nde, Yɛrɛmaya ko, “Mari, ale le wo la.”

Luka 1:74

ko a si ma kisi ka ma bɔ ma yogenu bolo. A sɔnta ko ma ni wɔli Alla ye hali ma ma kilan.

Tɔn-Fɔɛ-Fila-Nyɔgɛ 7:12

“Ni wo ya wo tole masɔ tɔn kɛnu na ka anu bira a kila-bɛrɛbɛrɛ fɛ, wota Mari Alla si ata lanyiri kanbali wo ye worɔ. A si wo keni worɔ tolon, iko a ya lanyiri kiri wo benbanu ye nya min.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Hiburunu 6:13

Alla ya lanyiri kiri Iburayima ye tumɛ min, a ya a keli ko a ara lanyiri min kiri, a si wo kanbali, ado mɔgɔ sa min kolo ale ko min kɛ, a ya a keli a nyɛrɛ rɔ.