Luka 1:71 - ALLALA KUMƐ

⁷¹ a si ma kisi ka ma bɔ ma yogenu bolo. Minnu bara ma kon, a ya ma bɔ wonuna sɛnbɛ kɔrɔ.

Luka 1:71 Iomraidhean Croise

2 Mansɛnu 17:39

Wo ni nta kumɛnu to anu gbɛ rɔ bawo wota Mari Alla le nde la. Ni wo ya wo ma, n si wo latanka wo yogenu ma.”

Yaburi 106:10

A ya anu nakanan anu gboyana-mɔgɛnu masibɛ ma. A ya anu kisi anu yogenu ma.

Yaburi 106:47

E, mata Mari Alla, ma lakisi. Ma bɔ sibolo-gbɛrɛnu yala, i ni na ma la tun, woletɔ ma si i wɔli-nyimɛ lɔn ka i tɔgɔ-sɛnimɛ tanto.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Isikiyɛli 34:25

Ma si sarama-kan kiri ma nyɔgɔn tɛma alako anu nakanannɛ si to nya min. Sogo-nyɛɛnɛ minnu bi anuta nyamanɛ wo rɔ, n si wo bɛɛ lato dogbe! Woletɔ nna sagɛnu si to lafɛrɛ rɔ bin-dɔn-tinɛ, ado anu si ke kila-gbɔngbɔn kɔrɔ lafɛrɛ rɔ fanan.

Isikiyɛli 34:28

Sibole minnu ma nde, Alla lɔn, wonu ti anu kankan wo rɔ tun, ado sogo-nyɛɛnɛnu ti anu faga tun ka anu dɔn. Anu si to lafɛrɛ rɔ. Mɔgɔ-wo-mɔgɔ ti anu kumakɔ.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Luka 1:68

“Ma ni Mari tanto, Isirɛlata Alla, kɔni bawo a nara ka ala mɔgɛnu dɛnbɛ ka anu hɔrɔya.

Luka 1:74

ko a si ma kisi ka ma bɔ ma yogenu bolo. A sɔnta ko ma ni wɔli Alla ye hali ma ma kilan.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!