Luka 1:7 - ALLALA KUMƐ

⁷ Anu ma den sɔrɔn bawo Ilisabɛti, gbandɛ le, ado anu filɛ bɛɛ ara kɔrɔya kati!

Luka 1:7 Iomraidhean Croise

Ko-Dabirɛnu 17:17

Iburayima ya a laburun a ma dugi ma. A yɛlɛnta ka a miri a yisi rɔ ko, “Kei min bara san kɛmɛ bɔ, wo si ke dan sɔrɔnna tun? Sira min bara san bi-kɔnɔntɔ bɔ, wo si ke dan sɔrɔnna tun?”

Ko-Dabirɛnu 18:11

Nba, Iburayima anubɛ Sira ara kɔrɔya nun. Anu bara san siyaman bɔ. Sirala den-sɔrɔn-wati ara tenbi.

Ko-Dabirɛnu 25:21

Isiyaka ya Mari madiya ala musi ye kamasɔrɔn gbandɛ le. Mari ya ala madiyali-kan yabi. Ala musi ya buyi bi fɛrannu na.

Ko-Dabirɛnu 30:1

Resɛli ya a yen tumɛ min ko a ma dan sɔrɔn Yakoba ye, a ya a kɔrɔ-musi Liya makeliya. A ya a fɔ Yakoba ye ko, “Ni n ma dan sɔrɔn i ye, n bi fagala le.”

1 Mansɛnu 1:1

Nba, Mansa Dawuda kɔrɔyara tumɛ min, anu si kurɛ burun a ma kɔnɔ hali wo, kimɛ ti bɔ a la.

2 Mansɛnu 4:14

Wo kɔma, Nɛbi Ilaisa ya a fɔ Kɛhasi ye tun ko, “Ma si nfen ko-nyima kɛ musi kɛ ye?” Kɛhasi ya a fɔ ko, “Nde ya min yen musi kɛ wara-koe rɔ, den-kei sa a bolo, ado ala kei ara kɔrɔya.”

Luka 1:5

Kɛ bɛɛ dabirara wo tumɛ Hɛrodi ye mansayɛ la Yudiya nyamanɛ rɔ. Saraka-masɔlɛ do ye nyɔ, a tɔgɛ Sakaraya min bɔra Saraka-Masɔla Abaya bɔnsɔn rɔ. Ala musi tɔgɛ le Ilisabɛti. Wo fanan bɔra Saraka-Masɔla Aruna bɔnsɔn rɔ.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Luka 1:8

Lunyɛ do, Sakarayata saraka-masɔ-nyɔgɛnu bi anuta wɔli kɛla Alla ye Bato-Bɔn la.

Romu 4:19

Hali Iburayima ya a lɔn ko a siyi ma ara dɔgɔya, ala dɛnkɛninyɛ ma dɔgɔya. A tora doni, a sɔrɔn ni san kɛmɛ bɔ, ado ala musi Sira ma den sɔrɔn bɛ.

Hiburunu 11:11

Hali Iburayima kɔrɔyanɛ, ado ala musi Sira, gbandɛ le kɔnɔ anu ya dan sɔrɔn dɛnkɛninyɛ le fɛ. A lara Alla la ko a si ala lanyiri dafa gben!

1 Samuwɛli 1:2

Musu fila le Ɛlakena wo bolo nun, Hana anubɛ Pɛnina. Pɛnina ya dannu sɔrɔn a ye kɔnɔ Hana wo mara gbandɛ la.