Luka 1:68 - ALLALA KUMƐ

⁶⁸ “Ma ni Mari tanto, Isirɛlata Alla, kɔni bawo a nara ka ala mɔgɛnu dɛnbɛ ka anu hɔrɔya.

Luka 1:68 Iomraidhean Croise

Ko-Dabirɛnu 14:20

Alla Min Bi Fan Bɛɛ Kun Na min bara i yogenu don i bolo, tantolɛ ni ke wo ye.” Burama ya minnu sɔrɔn kɛlɛ rɔ, a ya wonu yaka bɔ ka wonu di Mɛlikisidaki ma.

Ko-Dabirɛnu 24:27

A ko, “Alla tanto, n tigi Iburayimata Mari min bara ata lanyiri latɔnbagaya n tigi ye, wo ara n telen n tigita mɔgɛnu na.”

Ko-Dabirɛnu 9:26

“Ma ni baraka bira Sɛmata Mari Alla ye. Alamɛ Kenan bɔnsɔn mara yɔɔnnu na Sɛma bɔnsɔn kɔrɔ.”

1 Mansɛnu 1:48

Ale mansɛ nyɛrɛ ya a fɔ ko Isirɛlata Mari Alla ni tanto bawo a ara mɔgɛ do yabɔ ka a ma mansɛ la ale Mansa Dawuda nyɛrɛ yala.”

1 Mansɛnu 8:15

A ko, “Gbiliyɛ ni di Isirɛlata Mari Alla ma bawo a ya lanyiri min kiri n fa Dawuda ye, a ara wo latɔnbagaya. A ya a fɔ n fa ye nun ko,

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

Yaburi 106:48

Tantolɛ ni di Isirɛlata Mari Alla ma ka to a matɔgɔla burubukai! Mɔgɛ bɛɛ ni a fɔ ko, “Amina!” Tantolɛ ni kɛ Mari ye!

Yaburi 111:9

A ya ala mɔgɛnu hɔrɔya ka sarama-kan kiri anu nyɔgɔn tɛma min ti ban mumɛ! Ata sɛninyɛ anubɛ ata sɛnbɛ-dan ti lɔn.

Yaburi 130:8

A si wole Isirɛla mɔgɛnu kisi wo hakɛ bɛɛ ma.

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

Luka 1:71

a si ma kisi ka ma bɔ ma yogenu bolo. Minnu bara ma kon, a ya ma bɔ wonuna sɛnbɛ kɔrɔ.

Luka 19:44

Anu si wo halaki pɔ! Hali kuru kelen ti to a gbɛ rɔ bawo Alla nara wo wara wo kisi tinɛ tumɛ min, wo ya wo ban a la wulɔn.”

Luka 2:38

Wo wati, a nara ka baraka bira Alla ye. Min bɛɛ ye Alla makɔnɔna ko a ni na Yerusalɛm kunka tinɛ, a ya dennɛla ko fɔ wonu denu ye.

Luka 24:21

Ma yili ye a ma nun ko ale le wo la min bi nala Isirɛla mɔgɛnu kunkala! Ka tenbi wo bɛɛ la, a tele sawa nyɔgɛ le kɛ la kebi wo mara.

Luka 7:16

Mɔgɛ bɛɛ kilanta bɛrɛkɛ! Anu ya Alla tanto ko, “Nɛbi-ba ara bɔ gbɛ rɔ ma tɛma! Alla ara na ala mɔgɛnu kisi tinɛ!”

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Hiburunu 9:12

Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Samuwɛli 25:32

Dawuda ya a fɔ a ye ko, “N si baraka bira Isirɛlata Mari Alla ye bawo ale le wara i lana ka n taran yan bi.